Американскиот претседател Доналд Трамп го отфрли иранскиот одговор на предлогот на САД за прекин на војната, оценувајќи го како „целосно неприфатлив“. Тој ги одби барањата на Техеран, истакнувајќи дека не ги прифаќа нивните услови.
Трамп на својата платформа Трут Соушл напиша: „Штотуку го прочитав одговорот на таканаречените претставници на Иран. Не ми се допаѓа – целосно неприфатливо“.
Барањата на Иран беа доставени до САД преку посредничката земја Пакистан. А претходно, САД предложија прекин на борбите, по што би започнале преговори за поконтроверзни прашања, како што е иранската нуклеарна програма.
Според информациите Иран сака преговорите да се фокусираат на трајно завршување на војната на сите фронтови, вклучително и во Либан, каде што Израел се бори против милитантната група Хезболах, поддржана од Иран, и да ја обезбеди безбедноста на бродовите.
Американскиот предлог пак се фокусира на завршување на војната, повторно отворање на Ормутскиот Теснец и укинување на нуклеарната програма на Иран, прашање за кое Техеран би сакал да разговара подоцна.
Слични новости
Расмунсен: НАТО без Америка не значи ништо
Поранешниот генерален секретар на НАТО Андерс Фог Расмунсен оцени дека НАТО без учество на САД „не значи ништо“, укажувајќи дека европските земји и натаму го голема мерка се потпираат врз САД кога станува збор за безбедноста.
Бислимоски поднесе оставка од претседателската функција на РКЕ
Бислимоски во оставката не ги навел причините за повлекувањето. Неодамна Управата за финансиска полиција му поднесе кривична пријава за злоупотреба на службената положба и овластување
Трамп: Иран сака да постигне договор со САД за нуклеарна програма
Американскиот претседател Доналд Трамп изјави дека верува оти Иран сака да постигне договор со САД околу својата нуклеарна програма.