Американскиот претседател Доналд Трамп го отфрли иранскиот одговор на предлогот на САД за прекин на војната, оценувајќи го како „целосно неприфатлив“. Тој ги одби барањата на Техеран, истакнувајќи дека не ги прифаќа нивните услови.
Трамп на својата платформа Трут Соушл напиша: „Штотуку го прочитав одговорот на таканаречените претставници на Иран. Не ми се допаѓа – целосно неприфатливо“.
Барањата на Иран беа доставени до САД преку посредничката земја Пакистан. А претходно, САД предложија прекин на борбите, по што би започнале преговори за поконтроверзни прашања, како што е иранската нуклеарна програма.
Според информациите Иран сака преговорите да се фокусираат на трајно завршување на војната на сите фронтови, вклучително и во Либан, каде што Израел се бори против милитантната група Хезболах, поддржана од Иран, и да ја обезбеди безбедноста на бродовите.
Американскиот предлог пак се фокусира на завршување на војната, повторно отворање на Ормутскиот Теснец и укинување на нуклеарната програма на Иран, прашање за кое Техеран би сакал да разговара подоцна.
Слични новости
Волстрит во пад под притисок на растот на нафтата и неизвесноста околу Иран
Американските берзански индекси забележаа значителен пад во четвртокот, под влијание на растот на цените на нафтата и неизвесноста поврзана со случувањата на Блискиот Исток.
Резаи: ракетите ќе преговараат со Трамп
„Секаков вид преговори со ѓаволот се страгиска грешка. Ракетите нека преговараат со американскиот претседател Трамп“, порача Резаи на социјалната мрежа Икс.
Европските берзите во пад цената на нафтата Брент над 105 долари
Европските берзански индекси денеска се во пад, а цената на нафтата Брент повторно се искачи на повеќе од 105 долари за барел. На пазарите владее неизвесност околу мировните разговори меѓу САД и Иран со кој би се окончала војната на Блискиот исток.