Американскиот претседател Доналд Трамп направи нагла промена во својата политика кон Иран, откако неколку часа пред истекот на примирјето меѓу двете земји објави дека еднострано го продолжува.
Само неколку часа претходно, во интервју за американската телевизија Си-Ен-Би-Си, Трамп изјави дека нема намера да го продолжи примирјето. Тој дури предупреди дека, доколку не дојде до брз договор со Техеран, САД ќе ги продолжат воените напади.
„Очекувам повторно да бомбардираме, затоа што тоа ни дава подобра преговарачка позиција. Војската е подготвена“, изјави Трамп, додавајќи дека за САД ќе биде склучен „одличен договор“ и дека Иран „нема избор“.
Иран засега не сака да ги продолжи преговорите за мир во Исламабад. Советникот на иранскиот главен преговарач и претседател на парламентот, Мохамад Багер Галибаф, напиша на платформата X дека продолжувањето на примирјето „нема никакво значење“.
Иран смета дека американската блокада на иранските пристаништа претставува директно кршење на примирјето.
Трамп, пак, јасно стави до знаење дека блокадата ќе продолжи, што е клучна пречка за какви било понатамошни разговори.
Според демократскиот конгресмен Сет Молтон, одлуката на Трамп покажува дека не САД, туку Иран ја има контролата врз ситуацијата. „Техеран го има последниот збор. Иранците очигледно многу подобро разбираат како размислува Трамп, отколку што Трамп ги разбира нив“, изјави Молтон за Си-Ен-Ен.
Според него, Трамп со продолжувањето на примирјето само купува време, бидејќи нема јасна стратегија што да направи понатаму. „Нема план – и никогаш немало. А ни самиот Трамп не знае како да излезе од оваа ситуација“, оценува Молтон.
Слични новости
Венс: Документите за Епстин покажуваат колку се американските елити трули и инцестуозни
Американскиот потпретседател Џеј-Ди Венс остро ја осуди, какошто ја нарече „инцестуозната природа на американските елити“, откако Министерството за правда на САД објави нова серија документи поврзани со починатиот сексулаен престапник Џефри Епстин.
Преговои во целосна тајност: Москва, Киев и Вашингтон преговараат во Абу Даби зад затворени врати
Денеска во Абу Даби се одржува нова рунда од руско-украинските преговори со посредство на Вашингтон зад затворени врати, објавуваат руските медиуми. Извори во руската делегација изјавија дека новинарите не се повикани да ги следат разговорите и дека тие ќе се одржуваат во целосна тајност.
ОЈО оформи предмет за наводите за транспорт на мозоци од починати лица во САД
Јавното обвинителство оформи предмет со цел да ги испита сите индиции за евентуално постоење на елементи на кривично дело кое се гони по службена должнос