Американскиот претседател Доналд Трамп направи нагла промена во својата политика кон Иран, откако неколку часа пред истекот на примирјето меѓу двете земји објави дека еднострано го продолжува.
Само неколку часа претходно, во интервју за американската телевизија Си-Ен-Би-Си, Трамп изјави дека нема намера да го продолжи примирјето. Тој дури предупреди дека, доколку не дојде до брз договор со Техеран, САД ќе ги продолжат воените напади.
„Очекувам повторно да бомбардираме, затоа што тоа ни дава подобра преговарачка позиција. Војската е подготвена“, изјави Трамп, додавајќи дека за САД ќе биде склучен „одличен договор“ и дека Иран „нема избор“.
Иран засега не сака да ги продолжи преговорите за мир во Исламабад. Советникот на иранскиот главен преговарач и претседател на парламентот, Мохамад Багер Галибаф, напиша на платформата X дека продолжувањето на примирјето „нема никакво значење“.
Иран смета дека американската блокада на иранските пристаништа претставува директно кршење на примирјето.
Трамп, пак, јасно стави до знаење дека блокадата ќе продолжи, што е клучна пречка за какви било понатамошни разговори.
Според демократскиот конгресмен Сет Молтон, одлуката на Трамп покажува дека не САД, туку Иран ја има контролата врз ситуацијата. „Техеран го има последниот збор. Иранците очигледно многу подобро разбираат како размислува Трамп, отколку што Трамп ги разбира нив“, изјави Молтон за Си-Ен-Ен.
Според него, Трамп со продолжувањето на примирјето само купува време, бидејќи нема јасна стратегија што да направи понатаму. „Нема план – и никогаш немало. А ни самиот Трамп не знае како да излезе од оваа ситуација“, оценува Молтон.
Слични новости
Јотова: Северна Македонија да не се лаже дека има покус пат за членство во ЕУ
Според Јотова, првиот кластер е најважен и претставува основа за целиот преговарачки процес. Таа нагласи дека Бугарија нема да се согласи на негово заобиколување или одложување.
САД ги намалија царините за тајванските чипови на 15 насто
САД и Тајван потпишаа трговски договор според кој Вашингтон ќе ги намали тарифите за тајванската стока на 15%, додека Тајпеи се обврза на план за елиминирање или намалување на тарифите за речиси сите американски стоки.
Русија ја блокираше платформата Вотсап
Руската служба за надзор на комуникациите и медиумите Роскомнадзор го острани Востап од ДНС серверите, со што е оневозможено користењето на оваа апликација во земјата.