Американскиот претседател Доналд Трамп направи нагла промена во својата политика кон Иран, откако неколку часа пред истекот на примирјето меѓу двете земји објави дека еднострано го продолжува.
Само неколку часа претходно, во интервју за американската телевизија Си-Ен-Би-Си, Трамп изјави дека нема намера да го продолжи примирјето. Тој дури предупреди дека, доколку не дојде до брз договор со Техеран, САД ќе ги продолжат воените напади.
„Очекувам повторно да бомбардираме, затоа што тоа ни дава подобра преговарачка позиција. Војската е подготвена“, изјави Трамп, додавајќи дека за САД ќе биде склучен „одличен договор“ и дека Иран „нема избор“.
Иран засега не сака да ги продолжи преговорите за мир во Исламабад. Советникот на иранскиот главен преговарач и претседател на парламентот, Мохамад Багер Галибаф, напиша на платформата X дека продолжувањето на примирјето „нема никакво значење“.
Иран смета дека американската блокада на иранските пристаништа претставува директно кршење на примирјето.
Трамп, пак, јасно стави до знаење дека блокадата ќе продолжи, што е клучна пречка за какви било понатамошни разговори.
Според демократскиот конгресмен Сет Молтон, одлуката на Трамп покажува дека не САД, туку Иран ја има контролата врз ситуацијата. „Техеран го има последниот збор. Иранците очигледно многу подобро разбираат како размислува Трамп, отколку што Трамп ги разбира нив“, изјави Молтон за Си-Ен-Ен.
Според него, Трамп со продолжувањето на примирјето само купува време, бидејќи нема јасна стратегија што да направи понатаму. „Нема план – и никогаш немало. А ни самиот Трамп не знае како да излезе од оваа ситуација“, оценува Молтон.
Слични новости
Иран покрена нов бран ракетни напади со порака за лојалност кон новиот водач
Иран започна нов бран напади со ракети и дронови на течно и цврсто гориво, меѓу кои се ракетите „Хорамшахр“, „Фатах“ и „Хеибар“. Иранците кои се шиити, нападите главно ги насочија кон сунитски земји.
Почна светска криза: Нафтата достигна цена од 118 долари за барел
Цените на нафтата денеска стигнаа до 118 долари по барел, поради пореметувањата во снабдувањето. Цената на нафтата за прв пат е повисока од 100 долари по барел од почетокот на војната во Украина во 2022.
Хагсет: Разузнавачката соработка меѓу Иран и Русија ќе биде строго санкционирана
Министерот за одбрана на САД Пит Хегсет изјави дека сите „неприфатливи акции“, вклучувајќи ја наводната помош на Русија до Иран во разузнавачки податоци за позициите на американските сили на Блискиот исток ќе биде „строго санкционирана“.