Американскиот претседател Доналд Трамп направи нагла промена во својата политика кон Иран, откако неколку часа пред истекот на примирјето меѓу двете земји објави дека еднострано го продолжува.
Само неколку часа претходно, во интервју за американската телевизија Си-Ен-Би-Си, Трамп изјави дека нема намера да го продолжи примирјето. Тој дури предупреди дека, доколку не дојде до брз договор со Техеран, САД ќе ги продолжат воените напади.
„Очекувам повторно да бомбардираме, затоа што тоа ни дава подобра преговарачка позиција. Војската е подготвена“, изјави Трамп, додавајќи дека за САД ќе биде склучен „одличен договор“ и дека Иран „нема избор“.
Иран засега не сака да ги продолжи преговорите за мир во Исламабад. Советникот на иранскиот главен преговарач и претседател на парламентот, Мохамад Багер Галибаф, напиша на платформата X дека продолжувањето на примирјето „нема никакво значење“.
Иран смета дека американската блокада на иранските пристаништа претставува директно кршење на примирјето.
Трамп, пак, јасно стави до знаење дека блокадата ќе продолжи, што е клучна пречка за какви било понатамошни разговори.
Според демократскиот конгресмен Сет Молтон, одлуката на Трамп покажува дека не САД, туку Иран ја има контролата врз ситуацијата. „Техеран го има последниот збор. Иранците очигледно многу подобро разбираат како размислува Трамп, отколку што Трамп ги разбира нив“, изјави Молтон за Си-Ен-Ен.
Според него, Трамп со продолжувањето на примирјето само купува време, бидејќи нема јасна стратегија што да направи понатаму. „Нема план – и никогаш немало. А ни самиот Трамп не знае како да излезе од оваа ситуација“, оценува Молтон.
Слични новости
Драстичен пад на цената на нафтата на берзите по спогодбата меѓу САД и Иран и отварањето на Ормутскиот теснец
Цената на референтната сирова нафта Брент падна за 13 насто на 94,80 долари за барел, а американската нафта забележа пад од 15 насто и се тргуваше по цена од 95,75 долари за барел, пренесува Би Би Си.
Иран и Оман за време на примирјето ќе наплатуваат такса за минување низ Ормутскиот теснец
Двонеделниот прекин на огнот меѓу САД и Иран предводува Иран и Оман да може да наплатуваат такса на бродовите кои минуваат низ Ормусткиот теснец, изјави регионален службеник кој беше вклучен во преговорите.
Иран го прифати двонеделното примирје и го отвара Ормутскиот теснец
„Њујорк тајмс“ пишува дека клучна улога во посредувањето имала Кина во последен момент. Министерот за надворешни работи на Иран Абас Аракчи појасни дека во рок од две недели ќе биде осигуран безбеден проток низ Ормутскиот теснец.