Американскиот претседател Доналд Трамп во средата на својата социјална мрежа Truth Social напиша дека имал „долг и многу продуктивен разговор“ со рускиот претседател Владимир Путин за време на кој се договориле „веднаш“ да започнат мировни преговори во Украина.
„Се договоривме да работиме заедно, многу тесно, што вклучува меѓусебни посети на нашите земји“, напиша републиканскиот претседател, додавајќи дека „веднаш“ ќе го информира украинскиот претседател Володимир Зеленски за неговиот разговор со рускиот челник.
Кремљ објави дека Путин и Трамп разговарале речиси час ипол и се договориле да се сретнат, пренесува Reuters.
Руската државна новинска агенција ТАСС објави дека Путин го поканил Трамп во Москва.
Претходно извор од Белата куќа за CNN извести дека Трамп во средата утрото по американско време телефонски разговарал со рускиот колега по должност, но не беа дадени други информации.
Ова е прв познат директен контакт на Путин со американски претседател од февруари 2022 година, кога разговараше со поранешниот претседател Џо Бајден.
Слични новости
Студентите на УКИМ неделава ќе организираат собири за жртвите во пожарот, од Ректоратот имаат дозвола за прекин на наставата
Студентите и професорите на Скопскиот универзитет денеска и во текот на целата недела ќе присуствуваат на организирани собири – Заеднички час, што точно напладне ќе се одржуваат на различни кампуси на УКИМ, за да изразат почит на жртвите во пожарот на концертот во Кочани и поддршка на нивните семејства.
Поведена постапка против 11 лица, за 8 веќе е поднесен предлог за краткотраен притвор
Обвинителството во понеделникот доцна вечерта соопшти дека се поведува постапка на проверки за вкупно 11 лица во врска со трагичната несреќа што се случи во дискотека во Кочани. Од нив, за осум лица веќе е поднесен предлог за краткотраен притвор, а за останатите тројца кои се хоспитализирани и во потешка здравствена состојба, постапката ќе продолжи дополнително
Се бара краткотраен притвор за 10 лица, во дискотеката немало доволно ПП апарати и не е склучен писмен договор меѓу организаторот и групата
авното обвинителство ќе бара краткотраен притвор за десет лица, за кои во текот на денешниот ден се обезбедени докази за евентуална одговорност за синоќешниот пожар во ноќниот клуб во Кочани, информираше вечерва jавниот обвинител Љупчо Коцевски и обвинителите од тимот што постапуваат на случајот.