Американскиот претседател Доналд Трамп во средата изјави дека американски официјални претставници се упатуваат во Русија на разговори за американско-украинскиот договор за 30-дневен прекин на огнот и за патот кон мировните преговори.
Трамп рече дека сега е редот на Русија откако Украина се согласи на прекин на огнот во вторникот за време на состанокот со американските претставници во Саудиска Арабија кој траеше повеќе од осум часа.
„Се надевам дека можеме да добиеме прекин на огнот од Русија. Добив неколку позитивни пораки, но позитивна порака не значи ништо. Ова е многу сериозна ситуација“, им рече Трамп на новинарите во Овалната соба.
Кремљ во средата објави дека очекува детали од Вашингтон за прекин на огнот во Украина, а високи извори во Москва велат дека секој можен договор ќе мора да ја земе предвид загриженоста на Русија.
Американскиот претседател рече дека прекинот на огнот ќе има смисла за Русија, но додаде дека тоа има и „многу недостатоци за Русија“, без да наведе детали.
„Многу сложената ситуација од една страна ја решивме, главно ја решивме. Разговаравме и за територија и други работи што одат заедно со тоа. Знаеме за кои области зборуваме, било да зборуваме за повлекување или останување“, рече Трамп.
Запрашан дали би направил нешто за да изврши притисок врз Русија, Трамп рече: „Можам да ги правам работите финансиски, тоа би било многу лошо за Русија. Не сакам да го правам тоа затоа што сакам да постигнам мир“.
Слични новости
На самитот на Г7 нема да разговара за американското „преземање“ на Канада, вели Рубио
Американскиот државен секретар Марко Рубио во средата изјави дека на состанокот на министрите за надворешни работи на земјите од групата Г7, планиран да се одржи во четврток во Канада, нема да се разговара за „преземањето на Канада“ од страна на САД, како што повеќепати споменуваше американскиот претседател Доналд Трамп
Зеленски: Украина никогаш нема да ги признае окупираните територии како руски
Украина никогаш нема да ги признае окупираните територии за руски, изјави во средата украинскиот претседател Володимир Зеленски, ден откако во саудиска Џеда неговите претставници го прифатија американскиот предлог за триесетдневно примирје во војната со Русија
Лондон е разочаран од американските царини, но не планира контрамерки
Обединетото Кралство нема намера веднаш да воведе контрамерки против Соединетите држави откако во средата стапија на сила царините од 25 отсто за американскиот увоз на челик и алуминиум од целиот свет, како што вети американскиот претседател Доналд Трамп, објави во средата британската влада