Американскиот учител Марк Фогел, ослободен од Русија по три ипол години затвор, беше пречекан во Белата куќа од американскиот претседател Доналд Трамп во вторникот, откако долета од Москва во татковината.
„Се чувствувам како најсреќниот човек на светот во моментов“, рече Фогел, со американско знаме обвиено околу неговото рамо. Трамп, кој стоеше до Фогел во дипломатската приемна соба во Белата куќа, рече: „Ми изгледа многу добро“.
Ослободувањето на 63-годишниот Фогел, кој беше затворен во Русија од август 2021 година и отслужуваше 14-годишна затворска казна, доаѓа додека Трамп се обидува да ги подобри односите со Москва како дел од напорите да стави крај на војната во Украина.
Трамп рече дека ослободувањето на Фогел „може да биде голем важен дел“ за ставање крај на војната во Украина. Тој и Фогел му се заблагодарија на рускиот претседател Владимир Путин за нивното ослободување. „Само сакавме да го вратиме дома“, рече Трамп.
Трамп рече дека уште едно лице ќе биде ослободено во среда, без да каже за кого станува збор. Тој ги нарече условите за ослободување на Фогел „многу фер“.
Фогел беше ослободен во придружба на пратеникот на Трамп за Блискиот исток, Стив Виткоф, кој во вторникот ненајавено слета во Москва за да го земе..
Во авионот на летот за дома, Фогел, кој е од сојузната држава Пенсилванија, беше фотографиран со подигната чаша, чинија со сирење и неговиот американски пасош, а фотографијата беше објавена на социјалните мрежи од страна на главниот претставник на Трамп за заложници, Адам Болер.
На прашањето од што се откажаа САД во замена за Фогел, Трамп претходно им рече на новинарите: „Не многу“, и го нарече ослободувањето на Фогел како доказ за „добрата волја на Русите“.
„Русија се однесуваше со нас многу убаво. Всушност, се надевам дека ова е почеток на врската каде што можеме да ја прекинеме таа (украинска) војна и да го запреме убивањето на милиони луѓе“, рече Трамп.
Фогел беше осуден на 14 години затвор за шверц на дрога, откако беше приведен на московскиот аеродром Шереметјево во август 2021 година со 17 грама марихуана во багажот. Марихуаната е медицински препишана во Пенсилванија, каде што е легална, изјави Мартин Де Лука, член на правниот тим на Фогел.
Авионот на Виткоф беше на земја во Москва неколку часа пред да полета со Фогел, летајќи над централна Европа и назад кон Вашингтон, изјави Де Лука за Ројтерс.
„Исклучително сме благодарни, олеснети и воодушевени што по повеќе од три години притвор, нашиот татко, сопруг и син, Марк Фогел, конечно се враќаат дома“, се вели во соопштението на семејството Фогел. „Ова беше најтемниот и најболниот период од нашите животи, но денес почнуваме да заздравуваме“.
Дмитриј Овсијаников, кој беше руски адвокат на Фогел во минатото, изјави за приватната руска новинска агенција Интерфакс дека Фогел минатата седмица бил префрлен од затвор во Рибинск, северно од Москва, во истражниот центар во Москва пред да биде ослободен.
Фогел беше изоставен од историската размена на затвореници во август, во која беа вклучени 24 затвореници – 16 испратени од Русија на Запад, вклучувајќи го и новинарот на The Wall Street Journal, Еван Гершкович, а осум се вратија во Русија од Запад.
Слични новости
Поведена постапка против 11 лица, за 8 веќе е поднесен предлог за краткотраен притвор
Обвинителството во понеделникот доцна вечерта соопшти дека се поведува постапка на проверки за вкупно 11 лица во врска со трагичната несреќа што се случи во дискотека во Кочани. Од нив, за осум лица веќе е поднесен предлог за краткотраен притвор, а за останатите тројца кои се хоспитализирани и во потешка здравствена состојба, постапката ќе продолжи дополнително
Се бара краткотраен притвор за 10 лица, во дискотеката немало доволно ПП апарати и не е склучен писмен договор меѓу организаторот и групата
авното обвинителство ќе бара краткотраен притвор за десет лица, за кои во текот на денешниот ден се обезбедени докази за евентуална одговорност за синоќешниот пожар во ноќниот клуб во Кочани, информираше вечерва jавниот обвинител Љупчо Коцевски и обвинителите од тимот што постапуваат на случајот.
Мицкоски: Ќе преземеме низа мерки, активности и одлуки, тоа Ви го должам Вам, го должам и на семејствата на загинатите, на медиумите и на секој еден човек во Македонија
Со едноминутно молчење премиерот Христијан Мицкоски ја почна прес – конференцијата на која потенцираше дека во неговиот живот имал многу тешки моменти и предизвици, но ова денес, како што рече, е убедливо најтешкиот ден од мојот живот.