Американскиот претседател Доналд Трамп во четвртокот рече дека договорот за минерали со Украина е безбедносната гаранција што му е потребна на Киев против Русија, отфрлајќи ја молбата на британскиот премиер Кир Стармер за дополнителна американска воена поддршка, пренесува Reuters.
Стармер, кој се сретна со Трамп првпат во Белата куќа, настојуваше да ја придобие наклонетоста на Трамп, велејќи дека мирот во Украина е можен само благодарение на него.
Пред средбата Стармер истакна дека долгорочниот мир во Украина не е можен без силни американски безбедносни гаранции, кои Трамп речиси целосно ги отфрли, пишува Reuters.
Трамп изрази оптимизам дека може да се постигне договор за прекин на огнот во Украина и дека рускиот претседател Владимир Путин ќе го почитува таквиот договор.
„Пред нас е дискусија за тоа како тоа може да функционира. Треба да се погрижиме договорот да трае“, нагласи британскиот премиер.
Стармер посочи дека Велика Британија ќе ги зголеми трошоците за одбрана и ќе се обиде да го убеди американскиот претседател дека Европа ќе обезбеди поддршка и безбедносни гаранции за Киев доколку мировните преговори со Русија бидат успешни.
Во четвртокот Путин ги предупреди „западните елити“ да не се обидуваат да ја саботираат нормализацијата на односите меѓу Русија и Соединетите држави, велејќи дека Москва ќе ја искористи својата дипломатија и разузнавачките служби за да ги спречи таквите обиди. Западните медиуми оценика дека неговите коментари изгледале како „прикриена порака“ до Европската унија и Обединетото Крластво.
Од почетокот на неговиот втор мандат, Трамп предупреди на започнување трговски војни и вети дека ќе воведе царини, и за ривалските национални еконимии и за сојузничките.
„Сакаме секој економски однос со Обединетото Кралство да биде заснован на реципроцитет и рамноправни услови за игра“, рече советник на Трамп.
Во Овалната соба, Трамп се пожали на трговските односи со Европската унија, од која Велика Британија истапи во 2020 година.
„Нашата трговија е фер и избалансирана, а вие имате вишок, така што ние сме во поинаква позиција“, рече Стармер.
Според податоците на американската влада, САД имаат трговски суфицит со Британија.
Во меѓувреме, американскиот потпретседател ЏејДи Венс, кој исто така присуствуваше на состанокот, рече дека челниците е разговараат и за „прекршувањето на слободата на говорот во Британија што влијаеше на американските технолошки компании“.
„Обединетото Кралство има слобода на говор многу, многу долго време“, одговори Стармер.
Како и Макрон, Стармер ќе се обиде да го убеди Трамп дека „избрзаниот мировен договор со Русија, без учество на Украина или Европа, може да доведе до нова нестабилност на континентот, што не би било во интерес на САД“. Стармер рече дека е отворен за испраќање британски војници како безбедносна гаранција во Украина, но само со учество на други европски земји и „под соодветни услови“, на што Москва и во четвртокот остро реагираше.
Слични новости
Зеленски: Украина никогаш нема да ги признае окупираните територии како руски
Украина никогаш нема да ги признае окупираните територии за руски, изјави во средата украинскиот претседател Володимир Зеленски, ден откако во саудиска Џеда неговите претставници го прифатија американскиот предлог за триесетдневно примирје во војната со Русија
Лондон е разочаран од американските царини, но не планира контрамерки
Обединетото Кралство нема намера веднаш да воведе контрамерки против Соединетите држави откако во средата стапија на сила царините од 25 отсто за американскиот увоз на челик и алуминиум од целиот свет, како што вети американскиот претседател Доналд Трамп, објави во средата британската влада
Руски извори се скептични за американскиот предлог за 30-дневен прекин на огнот
Руски извори реагираа претпазливо на предлогот на САД за 30-дневен прекин на огнот што Киев го поддржа во средата, велејќи дека секој договор за ставање крај на војната во Украина треба да го земе предвид напредокот на Русија и да одговори на загриженоста на Москва