Американскиот претседател Доналд Трамп досега ги повлече САД од вкупно 66 меѓународни организации и тела од кои 31 се поврзани со Обединетите нации, а 35 се надвор од тој систем.
Одлуките на Трамп се образложени од Белата куќа дека „голем дел од тие институции дејствуваат спротивно на националните интереси, безбедноста, економскиот просперитет и суверенитетот на САД“. Како области, притоа, се издвојуваат климатските политики, човековите права и родовата еднаквост.
Доналд Трамп јасно порача дека мерките имаат за цел да се прекине финансирањето од американските даночни обврзници и учеството во тела кои, како што рече, промовираат „глобалистички агенди“ наместо приоритетите на САД.
Тој додаде дека станува збор за институции кои или неефикасно се справуваат со важни прашања или не ги користат средствата на најефикасен начин, поради што, според него, американските пари треба да се пренасочат кон други цели со цел поддршка на „релевантни мисии“.
Трамп најави нови одлуки за повлекувања на САД од меѓународни организации и тела во текот на летниот период.
Слични новости
ЕУ се договори за олеснување и одложување на дел од правилата за вештачка интелигенција
Земјите членки на Европската Унија и законодавците од Европскиот парламент постигнаа договор за олеснување на клучните правила за вештачка интелигенција, вклучително и за одложување на нивната примена, по притисокот од одредени влади и компании.
Трамп: Војната во Иран ќе „заврши брзо“
Американскиот весник „Аксиос“ , објави дека Белата куќа верува дека е блиску до меморандум за разбирање од 14 точки со Иран, кој би можел да постави рамка за подетални нуклеарни преговори.
Иран би можел до 10 атомски бомби за три до шест месеци – најнови проценки на американските разузнавачи
Според проценките, на американските разузнавачки агенции, Иран би можел да произведе доволно материјал за нуклеарна бомба во рок од три до шест месеци.