Откако во неделата навечер по локално време во Лос Анџелес избувнаа судири меѓу безбедносните сили и демонстрантите против имиграциската политика на американскиот претседател, Доналд Трамп ги опиша протестите како „бунт“ и рече дека е подготвен да ја испрати Националната гарда и на други места во земјата доколку е потребно.
Десетици демонстранти блокираа автопат во калифорниската метропола повеќе од еден час во неделата попладне по локално време, во напнат пресметка со полицијата, која уапси неколку лица и употреби солзавец, вклучително и против новинари, објавија новинарите на AFP.
Најмалку три автомобила се запалени, а уште два беа демолирани додека демонстрантите се движеа низ ограничената зона во центарот на Лос Анџелес.
Поголемиот дел од протестите завршија, објавија новинарите на AFP, но безбедносните сили и неколку десетици демонстранти, од кои многумина носеа маски и качулки, се судрија во неделата навечер.
Полициската управа на Лос Анџелес соопшти дека безбедносните сили уапсиле најмалку 56 лица во дводневните протести и дека тројца полицајци се полесно повредени.
Во раните попладневни часови, полициската управа на Лос Анџелес ги опколи областите околу федералните згради, спречувајќи каков и да е контакт меѓу демонстрантите и војниците на Националната гарда во камуфлажни униформи, објавија новинарите на AFP на местото на настанот.
Доналд Трамп, кој распореди 2.000 војници на Националната гарда за справување со насилните демонстранти, вети во неделата „враќање на редот“ и додаде дека не ја исклучил можноста за испраќање безбедносни сили во други делови од САД доколку е потребно.
„Ова не се демонстранти, тие се хулигани и бунтовници“, објави Трамп на својот профил на Truth Social во неделата, осудувајќи ги „бунтовите во тек“.
Гувернерите од редовите на Демократската партија ја осудија „алармантната злоупотреба на моќ“ откако Трамп „еднострано“ нареди распоредување на единциите, и покрај спротивните советите на локалните власти и гувернерот на сојузната држава Калифорнија, демократот Гевин Њусом.
„Немавме проблем сè додека Трамп не се вмеша“, тврди Њусом во објавата на X во неделата, осудувајќи го „сериозниот напад на суверенитетот на сојузната држава“ Калифорнија.
Нарекувајќи ја „инвазијата од криминалци од странство“ на САД , американскиот претседател ја направи борбата против нелегалната имиграција приоритет и ги засилува апсењата и депортациите на нелегалните мигранти.
Слични новости
Кац: Иран ги премина црвените линии со напади врз цивилни центри во Израел
Ќе продолжиме да ги браниме граѓаните на Израел и ќе обезбедиме режимот на Ајатолахот да плати многу висока цена за своите гнасни постапки, ја пренесуваат израелските медиуми изјавата на министерот Кац
Во иранските напади убиени тројца, а ранети 80 Израелци, Техеран и Ерусалим најавуваат продолжување на војната
Официјален Ерусалим соопшти дека во синоќешните два брана напади од Иран врз Израел со околу 150 балистички ракети биле убиени тројца луѓе, а 80 се ранети. Неколкумина од ранетите се во тешка состојба, соопштија израелските власти
Израелската војска соопшти дека нападите врз Иран само што почнаа
Израелската војска соопшти дека нејзините воздухопловни сили продолжуваат да го напаѓаат Иран и дека операцијата тукушто започна. Израел ноќеска отпочна напад врз Иран, наведувајќи дека се гаѓани нуклеарни објекти, фабрики за балистички проектили, воени команданти и физичари, чија цел е да се спречи Техеран да развие нуклеарно вооружување.