Американскиот претседател Доналд Трамп изјави дека својата воена мисија во Иран ќе ја заврши „многу бргу“, дека до сега се постигнати убедливи победи, но дека САД ќе удрат „исклучително силно“ врз Иран во наредните две до три недели.
Во обраќањето до нацијата од Белата куќа Трамп порача дека САД ќе ги уништат сите ирански електрани и дека ќе ги гаѓаат и постројките за нафта, доколку не биде постигнат договор со иранските лидери.
„Ќе ги удриме многу силно во наредните две до три недели. Ќе ги вратиме во каменото доба, каде што им е местото“ рече Трамп.
Тој рече и дека промената на режимот во Иран не била американска цел, но до неа дошло, затоа што сите претходните лидери се мртви, а новата група водачи е многу поразумна.
Трамп рече и дека без оваа интервенција во Иран„најнасилниот и најсуровиот режим во светот ќе беше слободен да ги спроведува своите кампањи на терор, принуда, освојувања и масовни убиства зад нуклеарен штит“.
Околу грижата за поскапувањето на енергентите поради затварањето на Ормутскиот теснец, Трамп порача дека кога војната ќе заврши, теснецот природно ќе се отвори и цените на енергентите ќе се стабилизираат.
Слични новости
Постигната е општа спогодба за безбедносните гаранции за Украина
Вашингтон ќе му даде на Киев безбедносни гаранции, но нема да испрати свои трупи, туку во Украина ќе бидат стационирани само европски трупи, појасни Рубио.
Обвинителството отвори предмет за Заев и Филипче по тврдењата на Жан Митрев дека сакале да му ја земат болницата
Предистрагата е за Зоран Заев и за Венко Филипче, актуелниот лидер на опозицијата. Отворена е на последниот ден од мандатот на екс скопскиот обвинител Гаврил Бубевски, ден отако беше избран Анел Фидоски на таа функција која ја презеде со веќе отворен предмет за болницата.
Брисел размислува да го укине ветото
Европската унија ја разгледува можноста за укинување на правото на вето во сферата на надворешната и безбедносната политика, изјави високата претставничка за надворешна политика на ЕУ Каја Калас.