Американскиот претседател Доналд Трамп изјави дека својата воена мисија во Иран ќе ја заврши „многу бргу“, дека до сега се постигнати убедливи победи, но дека САД ќе удрат „исклучително силно“ врз Иран во наредните две до три недели.
Во обраќањето до нацијата од Белата куќа Трамп порача дека САД ќе ги уништат сите ирански електрани и дека ќе ги гаѓаат и постројките за нафта, доколку не биде постигнат договор со иранските лидери.
„Ќе ги удриме многу силно во наредните две до три недели. Ќе ги вратиме во каменото доба, каде што им е местото“ рече Трамп.
Тој рече и дека промената на режимот во Иран не била американска цел, но до неа дошло, затоа што сите претходните лидери се мртви, а новата група водачи е многу поразумна.
Трамп рече и дека без оваа интервенција во Иран„најнасилниот и најсуровиот режим во светот ќе беше слободен да ги спроведува своите кампањи на терор, принуда, освојувања и масовни убиства зад нуклеарен штит“.
Околу грижата за поскапувањето на енергентите поради затварањето на Ормутскиот теснец, Трамп порача дека кога војната ќе заврши, теснецот природно ќе се отвори и цените на енергентите ќе се стабилизираат.
Слични новости
Иран тврди дека го погоди американски носач на авиони „Абрахам Линколн“ кој наводно ја напушта позицијата
Иранската државна телевизија ИРИБ извести дека иранските сили го погодија американскиот носач на авиони „Абрахам Линколн“ стациониран во регионот, откако извршија напад врз носачот со крстосувачки ракети.
Израел го нападна Хезболах во Либан, над 30 мртви и стотици повредени во Бејрут
Според Министерството за здравство на Либан, во израелските напади врз Бејрут и јужен Либан загинаа 31 лице, а 149 се повредени.
Нафтата скокна за 8 долари по барел по конфликтот на Блискиот исток
Американската сурова нафта се зголеми за околу 8 долари за барел, или 12 проценти и таа сега изнесува околу 75 долари за барел. Цената на нафтата Брент пак скокна на 82 долари за барел.