Американскиот претседател Доналд Трамп изјави дека својата воена мисија во Иран ќе ја заврши „многу бргу“, дека до сега се постигнати убедливи победи, но дека САД ќе удрат „исклучително силно“ врз Иран во наредните две до три недели.
Во обраќањето до нацијата од Белата куќа Трамп порача дека САД ќе ги уништат сите ирански електрани и дека ќе ги гаѓаат и постројките за нафта, доколку не биде постигнат договор со иранските лидери.
„Ќе ги удриме многу силно во наредните две до три недели. Ќе ги вратиме во каменото доба, каде што им е местото“ рече Трамп.
Тој рече и дека промената на режимот во Иран не била американска цел, но до неа дошло, затоа што сите претходните лидери се мртви, а новата група водачи е многу поразумна.
Трамп рече и дека без оваа интервенција во Иран„најнасилниот и најсуровиот режим во светот ќе беше слободен да ги спроведува своите кампањи на терор, принуда, освојувања и масовни убиства зад нуклеарен штит“.
Околу грижата за поскапувањето на енергентите поради затварањето на Ормутскиот теснец, Трамп порача дека кога војната ќе заврши, теснецот природно ќе се отвори и цените на енергентите ќе се стабилизираат.
Слични новости
Евакуација на 40.000 луѓе во Калифорнија поради истекување на опасна хемикалија
Околу 40.000 жители во американската сојузна држава Калифорнија добија наредба за итна евакуација од своите домови поради големо истекување на опасна хемиско супстанца, која може да предизвика експлозија и да формира отровен облак над густо населено подрачје.
Студентите во Србија организираат нов протест за демократизација на Србија и вонредни избори
Студентите во Србија ги повикаа граѓаните на Србија на денешниот голем протестен митинг во Белград под мотото „Ти и јас, Славија“, како дел од кампањата „Студентите победуваат“, од каде ќе побараат одржување вонредни парламентарни избори и демократизација на земјата.
Бројот на жртви се искачи на 90 по експлозија на гас во рудник во Кина
Речиси 250 луѓе работеле под земја во рудникот кога се случила експлозијата. Стотици спасувачи се испратени на местото на настанот. Снимките од државните медиуми покажуваат болничари како носат носилки на местото, а во позадина се гледаат амбулантни возила.