Американскиот претседател Доналд Трамп во четвртокот изјави дека наскоро ќе одлучи дали да го исклучи увозот на канадска и мексиканска нафта од царините од 25 отсто што тој се закани дека ќе ги воведе во саботата на производите од тие земји.
„Можеби ќе направиме, а можеби и нема. Таа одлука ќе ја донесеме веројатно вечерва“, рече Трамп за тоа дали ќе бидат воведени царини на канадската и мексиканската нафта. Додаде дека тоа делумно ќе зависи од цените, како и од тоа дали двете земји ќе ги „третираат сад како што треба“.
Трамп ја постави саботата како краен рок за воведување царини од 25 отсто на увозот од Мексико и Канада за да ги принуди двата најголеми трговски партнери на Соединетите држави да преземат мерки за да се спречи илегалната миграција и испораката на фентанил преку нивните граници во САД.
Но, Трамп во четвртокот рече дека царините за Северна Америка ќе бидат наметнати „поради повеќе причини“ и рече дека нивото на давачките „може, а може и не, да се зголеми со текот на времето“.
Тој, исто така, рече дека сѐ уште размислува за нови царини за кинески стоки, наведувајќи ја кинеската улога во трговијата со фентанил. Се закани со царини од 10 отсто за сите кинески стоки, откако во првиот мандат воведе царини за кинескиот увоз во вредност од околу 370 милијарди долари, потсетува Reuters.
„Размислувам и за Кина, бидејќи тие испраќаат фентанил во нашата земја и предизвикуваат стотици илјади смртни случаи (…) Ние ќе одлучиме што ќе се случи, но Кина мора да престане да испраќа фентанил во нашата земја и да го убива нашиот народ“, рече Трамп.
Кинескиот претседател Си Џинпинг во 2023 година вети дека ќе работи со тогашниот претседател Џо Бајден за да го ограничи снабдувањето со фентанил во САД. Но, Пекинг тогаш го повика Вашингтон да преземе чекори за да ја ограничи побарувачката за дрога.
Мексиканското Министерство за економија одби да ги коментира последните изјави на Трамп. Канцеларијата на канадскиот премиер Џастин Трудо не беше веднаш достапна за коментар, објави Reuters.
Слични новости
Гренланд забранува странски донации за политичките партии
Гренланд, кој американскиот претседател Доналд Трамп би сакал да го вклучи во САД поради националната безбедност, има намера да усвои нацрт-закон со кој ќе се забранат странските донации за политичките партии на островот
Оштетувањето на кабелот меѓу Шведска и Латвија не е саботажа
Прекинот на подводниот кабел со оптички влакна меѓу Латвија и Шведска на 26 јануари не е саботажа, објави во понеделникот шведскиот обвинител задолжен за случајот, со што ја поништи заплената на осомничениот брод
Вработените во FBI мора да ги откријат своите улоги во истрагите за нападот на Капитол
Вработените во американското Федерално биро за истраги (FBI) во неделата добиле наредба да одговорат на прашалникот за секоја активност што можеби ги вршеле во однос за кривичните случаи поврзани со упадот на вашингтонски Капитол на 6 јануари 2021 година