Американскиот претседател Доналд Трамп изјави дека американските и руските претставници ќе се сретнат подоцна во петокот во Минхен, како и дека е повикана и Украина.
„Тие утре имаат состанок во Минхен. Русија ќе биде таму со нашите луѓе. Инаку, Украина исто така е повикана. Не сум сигурен кој ќе биде таму од која и да е земја, но луѓе на високо ниво од Русија, Украина и Соединетите држави”, им рече Трамп на новинарите.
На прашањето за дополнителни детали, Белата куќа одби да коментира. Светските политички и воени лидери викендов се среќаваат во Германија на годишната Минхенска безбедносна конференција.

Киев не очекува разговори со руската страна во петок во Минхен и верува дека на САД, Европската унија и Украина им е потребен заеднички став пред разговорите со Москва, изјави советникот за комуникации на претседателот Володимир Зеленски.
„Во Минхен не се очекуваат разговори со Русите“, изјави украинскиот советник за комуникации Дмитро Литвин.
Руската амбасада во Вашингтон и нејзината мисија во Обединетите нации во Њујорк не одговорија веднаш на барањата на Reuters за коментар за изјавите на Трамп.
Трамп подоцна во четвртокот ноќта по средноевропско време изјави: „Утре има состанок во Минхен, а потоа следната седмица, состанок во Саудиска Арабија, не со мене или со претседателот (на Русија, Владимир) Путин, туку со највисоките претставници. И Украина, исто така, ќе биде дел од тоа“.
Слични новости
Најмалку 19 загинати во торнадата на југот на САД
Најмалку 19 луѓе загинаа во САД, од кои 11 само во сојузната држава Мисури, откако смртоносните торнада зафатија неколку југоисточни држави
Американската војска ги нападнаа јеменските Хути, Трамп го предупреди Иран
Американските сили во саботата започна воени удари врз позиции на јеменските бунтовници од шиитското Хутистичко движење поради нивните обновени напади врз бродови во Црвеното Море
Трамп потпиша уредба за кратење на буџетот на „Гласот на Америка“ и на шест други агенции
Некои републиканци одамна го обвинуваат „Гласот на Америка“ за пристрасност против конзервативците. Месецов Маск повика на затворање на медиумот, како и на Радио Слободна Европа.