Американскиот претседател Доналд Трамп изјави дека американските и руските претставници ќе се сретнат подоцна во петокот во Минхен, како и дека е повикана и Украина.
„Тие утре имаат состанок во Минхен. Русија ќе биде таму со нашите луѓе. Инаку, Украина исто така е повикана. Не сум сигурен кој ќе биде таму од која и да е земја, но луѓе на високо ниво од Русија, Украина и Соединетите држави”, им рече Трамп на новинарите.
На прашањето за дополнителни детали, Белата куќа одби да коментира. Светските политички и воени лидери викендов се среќаваат во Германија на годишната Минхенска безбедносна конференција.
Киев не очекува разговори со руската страна во петок во Минхен и верува дека на САД, Европската унија и Украина им е потребен заеднички став пред разговорите со Москва, изјави советникот за комуникации на претседателот Володимир Зеленски.
„Во Минхен не се очекуваат разговори со Русите“, изјави украинскиот советник за комуникации Дмитро Литвин.
Руската амбасада во Вашингтон и нејзината мисија во Обединетите нации во Њујорк не одговорија веднаш на барањата на Reuters за коментар за изјавите на Трамп.
Трамп подоцна во четвртокот ноќта по средноевропско време изјави: „Утре има состанок во Минхен, а потоа следната седмица, состанок во Саудиска Арабија, не со мене или со претседателот (на Русија, Владимир) Путин, туку со највисоките претставници. И Украина, исто така, ќе биде дел од тоа“.
Слични новости
Мицотакис направи реконструкција на Владата, Герапетритис останува шеф на дипломатијата
Промени во неколку Министерства меѓу кои и оние за национална економија и финансии, за инфраструктура и транспорт, за енергетика, за миграција итн, направи грчкиот премиер Кирјакос Мицотакис, додека пак Јоргос Герапетритис и Никос Дендиас се меѓу министрите кои останаа на нивните позиции, односно во Министерствата за надворешни работи и за национална одбрана
Венс: Би бил шокиран доколку Трамп сака нуклеарно оружје подалеку на истокот на Европа
Американскиот потпретседател ЏејДи Венс изјави во четвртокот дека би бил шокиран доколку претседателот Доналд Трамп би сакал нуклеарното оружје на САД да биде преместено понатаму на истокот во Европа кон границите на Русија.
За Зеленски „манипулација“ е реакцијата на Путин на понудата за прекин на огнот
Украинскиот претседател Володимир Зеленски ги окарактеризира условите поставени од рускиот претседател Владимир Путин за да се согласи за прекин на огнот како „манипулација