Раководството на Тотенхем е незадоволно од резултатите и играта и размислува за промена на тренерската клупа, објавија британските медиуми.
По 16 кола, „Спарс“ се на 11-то место во Премиер лигата. Освен лошите резултати, данскиот тренер Томас Франк, кој го презеде клубот во јули, е најмногу критикуван за тоа што не воспостави препознатлив стил на игра. Исто така, раководството смета дека нема напредок во играта на Тотенхем.
Британските медиуми објавуваат дека раководството на „Спарс“ проценува дека поранешниот играч и тренер на Барселона, Чави Ернандез (45), би бил одлично решение. Во нивна корист е фактот дека играчката легенда на Барселона моментално е без работа.
По завршувањето на играчката кариера, Чави Ернандез почна да тренира во катарскиот Ал-Сад, а од ноември 2021 до јуни 2024 година ја водеше Барселона.
Управата на Спарс верува дека Чави Ернандез, со своето играчко и тренерско искуство, би бил долгорочно решение, односно дека би можел да создаде работна атмосфера што би резултирала со атрактивна игра и борба за првите места во Премиер лигата и во европските куп натпреварувања. Тие исто така веруваат дека играчите кои моментално играат под очекувањата би можеле повторно да играат во најдобра форма под водство на шпанскиот тренер.
Слични новости
Интер го зазема врвот на табелата
Интер ги искористи киксовите на Милан и Наполи и се искачи на врвот на италијанското првенство со победа од 2:1 на гостински терен во Џенова
Сити ја продолжува потерата по Арсенал
Во последниот натпревар од 16-то коло од англиската Премиер лига во неделата, Брентфорд и Лидс Јунајтед во Лондон одиграа нерешено 1:1
Мајнц го запре Баерн
Во натпреварот од 14-то коло од германското фудбалско првенство, Баерн во Минхен одигра 2:2 против последнопласираниот Мајнц