На вчерашните избори во Унгарија опозициската партија Тиса на Петар Маѓар е спектакуларен победник, откако според првичните резутати на изборната комисија освои дури 138 места од 199-те места во парламентот и самата ќе има двотретинско мнозинство. Партијата Фидес на досегашниот премиер Виктор Орбан освои само 55 пратенички места и доживеа изборен дебакл.
Вчерашните избори во Унгарија имаа елемент на плебисцит против досегашната власт во земјата, бидејќи на изборите излегоа речиси 80 насто од избирачите. Орбан веднаш го призна поразот по објавувањето на првичните резултати, а граѓаните на Унгарија излегоа на улиците да прославуваат.
Победникот на изборите, Петер Маѓар, поранешен лојален соработник на Орбан, кој водеше кампања против корупцијата и за секојдневни прашања како што се здравствената заштита и јавниот превоз, вети дека ќе ги обнови односите на Унгарија со Европската Унија и НАТО – врски што беа нарушени под Орбан.
Европските лидери му честитаа на Маѓар со порака дека Унгарија ја одбра Европа.
Претседателката на ЕК Урсула фон дер Лајен напиша дека Унгарија се врати на европскиот пат. Унијата стана посилна, а европското срце чука посилно во Унгарија.
Големата победа на Петер Маѓар и на неговата централно-десничарска партија Тиса на изорите во Украина значи дека новата влада ќе има чист мандат и одврзани раце да спроведе реформи, да го зајакне владеењето на правото и со тоа да одмрзне милијарди евра од Европската унија наменети за земјата, пишува Ројтерс.
Економистите и политичките аналитичари се согласни дека било најпосакувано сценарио и за ЕУ и за меѓународните пазари ако опозицијата добие двотретинско мнозиство.
Унгарските избори беа сметани за најважни за пазарите во Европа оваа година, со оглед дека евроскептичниот Орбан често се судираше со Брисел за време на 16-годишното владеење, на разни теми, од имиграцијата до блискоста со Русија.
Слични новости
Техеран тврди дека американските носачи на авиони се повлекоа на 1.000 километри од иранскиот брег
Американските носачи на авиони веќе не се присутни во Персискиот залив, бидејќи се повлекоа на 1.000 километри од брегот на Иран, изјави заменик-командантот на Исламската револуционерна гарда генерал Али Фадави.
Во Либан поради војната раселени 20 насто од населението
Во Либан е раселена дури 20 насто од полулацијата за само три недели откако израелски сили упаднаа во таа земја, а дневно се ислеуваат околу 19 000 деца, соопштија ОН.
Американските командоси стигнаа на Блискиот исток
„Њујорк тајмс“ објави дека доаѓањето на специјалните единици има за цел да му даде дополнителни опции на американскиот претседател Доналд Трамп за проширување на војната со Иран.