Тикток се враќа на американскиот пазар откако згасна во саботата

Тикток се враќа на американскиот пазар. Апликацијата соопшти дека „е во процес на враќање на сервисот“ откако новозибраниот американски претседател Доналд Трамп изјави дека ќе потпише извршен указ со кој се одлага забраната за Тикток во САД.

Популарниот видео ап стана недостапен за Американците во саботата вечер, поради одлука на судот со кој се забранува Тикток во САД, поради субверзно дејствување во корист на Кина.

Трамп рече дека не би сакал Тикток да исчезне од пазрот во САД, но им порача на сопствениците во Кина дека би сакал Америка да има 50 проценти удел од Тикток во САД.

Тикток му се заблагодари на Трамп за дадените гаранции и порача дека е тоа добра вест за 170 милиони американски корисници и 7 милиони мали бизниси кои заработуваат од Тикток. Компанијата порача дека ќе соработува со претседателот Трамп за долгорочно решенија што ќе му озвоможи на кинескиот ап да остане на пазарот во САД.