Претставниците на опозицијата во Скупштината на Војводина во вторникот побараа оставки од претседателот на парламентот на Војводина, Балинт Јухас и од претседателката на покраинската влада, Маја Гојковиќ. Откако тоа не им беше прифатено најавија напуштање на Собанието иако има уште точки за разгледуавње и гласање.
Покраинскиот пратеник од Движењето на слободни граѓани (ПСГ) Радивоје Јововиќ изјави дека опозицијата бара кривична одговорност и за поранешниот потпретседател на Скупштината на Војводина, Дамир Зобеница.
„Дамир Зобеница испрати насилници да тепаат студенти и организирано насилство врз граѓани. Тој поднесе политичка оставка, но бараме и кривична одговорност. За таквите има само едно место, а тоа е затворот“, изјави Јововиќ. Го обвини Јухас дека спречува слободно изразување од говорницата.
„Нѐ спречува слободно да зборуваме на собраниската говорница, а овој дом го претвори во касарна за режимските полицајци, насилници и тепачи. Или ќе поднесе оставка или ќе биде разрешен“, рече Јововиќ.
Според него, опозицијата бара оставка од Маја Гојковиќ бидејќи таа рекла дека зградата на железничката станица во Нови Сад била најбезбедна во Европа, а таму загинале 15 лица.
„Покрај овие теми, немаме за што друго да разговараме денеска, додека со нашата држава и покраина владеат криминалци, ако нема правда за народот, ако нема правда за Војводина, додека криминалците не ја напуштат оваа куќа, висок дом на Војводина – нема да има мир за владата“, рече Јововиќ, пренесе Бета.
Обезбедувањето на парламентот на Војводина утрово пред почетокот на седницата ги претресуваше пратениците од опозицијата, а потоа го заклучи главниот влез на зградата на покраинскиот парламент, јави Бета.
Новинарите не можат да присуствуваат на седницата бидејќи не им дозволува обезбедувањеето и тие се во холот меѓу излезот и салата за седници. Влез во салата им беше овозможен само на 15 минути на фоторепортери и сниматели, јавија новосадските медиуми.
„Ние новинарите практично се наоѓаме во некаква тампон зона, во собраниската сала. Не ни е дозволено да влеземе во салата и не можеме да излеземе затоа што сме заклучени надвор“, извести репортерот на Бета од покраинскиот парламент.
Пред зградата има голем број студенти кои прават голема врева – дуваат свирчиња и вувузели.
Студентите носат транспаренти „Дали се слушаме?“, „Ние сме овде во мир, а вие сте во панцири“, „Каде нема правда, отпорот станува должност“, „Вие сте пирејот на Србија, време е да се искорени“.
Слични новости
За Рама изборот на Трамп е „најдарежливиот божји чин“ кон ЕУ и шанса Европа да се разбуди
Албанскиот премиер Еди Рама, говорејќи на панелот „Проширување на Европската унија“ на безбедносната конференција во Минхен, рече дека изборот на Доналд Трамп за претседател на САД е „најдарежливиот божји чин кон ЕУ“
Во пресрет на летнаta сезона Албанија има потреба од над две илјади туристички работници
Секое второ слободно работно место во Албанија денес е во туристичкиот сектор. Во пресрет на шпицот на летната туристичка сезона, баровите, рестораните и хотелите во земјава страдаат од недостиг од келнери, шанкери, готвачи, хигиеничари, но и од возачи, туристички водичи и менаџери
Одложена е исплатата од Планот за раст на ЕУ за земјите од Западен Балкан
Првите исплати од Европскиот план за раст нема да бидат извршени во првиот дел од оваа година. Според објаснувањето на прес-службата на Европската комисија (ЕК), плаќањата нема да се вршат пред средината на оваа година