Претставниците на опозицијата во Скупштината на Војводина во вторникот побараа оставки од претседателот на парламентот на Војводина, Балинт Јухас и од претседателката на покраинската влада, Маја Гојковиќ. Откако тоа не им беше прифатено најавија напуштање на Собанието иако има уште точки за разгледуавње и гласање.
Покраинскиот пратеник од Движењето на слободни граѓани (ПСГ) Радивоје Јововиќ изјави дека опозицијата бара кривична одговорност и за поранешниот потпретседател на Скупштината на Војводина, Дамир Зобеница.
„Дамир Зобеница испрати насилници да тепаат студенти и организирано насилство врз граѓани. Тој поднесе политичка оставка, но бараме и кривична одговорност. За таквите има само едно место, а тоа е затворот“, изјави Јововиќ. Го обвини Јухас дека спречува слободно изразување од говорницата.
„Нѐ спречува слободно да зборуваме на собраниската говорница, а овој дом го претвори во касарна за режимските полицајци, насилници и тепачи. Или ќе поднесе оставка или ќе биде разрешен“, рече Јововиќ.
Според него, опозицијата бара оставка од Маја Гојковиќ бидејќи таа рекла дека зградата на железничката станица во Нови Сад била најбезбедна во Европа, а таму загинале 15 лица.
„Покрај овие теми, немаме за што друго да разговараме денеска, додека со нашата држава и покраина владеат криминалци, ако нема правда за народот, ако нема правда за Војводина, додека криминалците не ја напуштат оваа куќа, висок дом на Војводина – нема да има мир за владата“, рече Јововиќ, пренесе Бета.
Обезбедувањето на парламентот на Војводина утрово пред почетокот на седницата ги претресуваше пратениците од опозицијата, а потоа го заклучи главниот влез на зградата на покраинскиот парламент, јави Бета.
Новинарите не можат да присуствуваат на седницата бидејќи не им дозволува обезбедувањеето и тие се во холот меѓу излезот и салата за седници. Влез во салата им беше овозможен само на 15 минути на фоторепортери и сниматели, јавија новосадските медиуми.
„Ние новинарите практично се наоѓаме во некаква тампон зона, во собраниската сала. Не ни е дозволено да влеземе во салата и не можеме да излеземе затоа што сме заклучени надвор“, извести репортерот на Бета од покраинскиот парламент.
Пред зградата има голем број студенти кои прават голема врева – дуваат свирчиња и вувузели.
Студентите носат транспаренти „Дали се слушаме?“, „Ние сме овде во мир, а вие сте во панцири“, „Каде нема правда, отпорот станува должност“, „Вие сте пирејот на Србија, време е да се искорени“.
Слични новости
Косово: Специјалното обвинителство обвини две лица за шпионажа во корист на српска БИА
Косовското Специјално обвинителство денеска соопшти дека поднело обвинение за шпионажа против две лица кои, според пишувањето на медиумите во Приштина, биле соработници на српската Безбедносно-информативна агенција (БИА), пренесе Бета.
На Санторини смирена ситуацијата со земјотресите, Мицотакис порачува дека Грција е безбедна земја
Најверојатното сценарио за сеизмичката активност во морскиот дел меѓу Санторини и Аморгос, според претседателот на Организацијата за антисеизмичко планирање и заштита на Грција (ОАСП) Ефтимиос Лекас е постепена деескалација на појавата, додека во изминатите два дена не беше регистриран поголем земјотрес, а грчкиот премиер Кирјакос Мицотакис порача дека Грција е безбедна земја
Пицула: На Србија ѝ недостига реален напредок кон ЕУ
Србија изминатите години нема вистински напредок на нејзиниот пат кон Европска Унија, изјави денеска известувачот на Европскиот парламент за Србија, Тонино Пицула, пред европратениците од Парламентарната комисија за надворешни работи.