Поранешниот светски шампион во тешка категорија, легендарниот 58-годишен Мајк Тајон изјави дека не жали за поразот од 27-годишниот Џејк Пол, инфлуенсер на социјалните мрежи кој стана боксер.
Во првата професионална борба по 2005 година, Тајсон се бореше со американскиот „јутјубер“ Џејк Пол. Во борбата од осум рунди од две минути, одржана на AT&T стадионот во Арлингтон пред 80.000 гледачи, Пол славеше со едногласна одлука на судиите.
„Тоа е една од оние ситуации кога губиш, но сепак победуваш. Благодарен сум за минатата ноќ. Не жалам што последен пат влегов во рингот”, напиша Тајсон во објавата на X.
Првично закажана за јули, борбата беше одложена откако во јуни на Тајсон му прсна чирот. Легендарниот „Железен Мајк“ откри дека повраќал крв на летот од Мајами до Лос Анџелес, а откако бил префрлен во болница, било утврдено дека има чир од седум сантиметри.
„За малку ќе умрев во јуни. Имав осум трансфузии на крв. Во болница изгубив половина од крвта и 11 килограми и морав да се борам за да закрепнам за борбата“, рече тој.
„За моите деца да ме видат како стојам во рингот и да завршам натпревар од осум рунди со талентиран борец на половина од мојата возраст пред преполниот стадион Каубој во Далас беше одлично искуство“, додаде Тајсон.
Слични новости
Евролига: Домашни порази на Партизан и Париз
Кошаркарите на Партизан во еден од најнеизвесните дуели на вечерта беа поразени на домашен паркет од екипата на Асвел со резултат 79:82 во 16. коло од Евролигата
FIFA The Best: Најдобар играч на Винисиус Жуниор, втор трофеј за Аитана Бонмати
Во изборот за оваа награда преку официјалниот онлајн портал на ФИФА учествуваа капитените и селекторите на репрезентациите, претставници на медиумите и навивачите, а секој од нив ги рангираше тројцата најдобри
Летонскиот кошаркар Тима се самоуби
Латвискиот кошаркар Јанис Тима се самоубил во вторникот во хотел во центарот на Москва, објави Евролигата