Тајландски борбени авиони ја нападнаа Камбоџа во средата наутро, по ескалацијата на граничните конфликти меѓу двете азиски земји, според локалните камбоџански медиуми.
Камбоџанскиот весник Khmer Times, повикувајќи се на Министерството за одбрана, објави дека авионите „F-16“ фрлиле најмалку две бомби врз села во покраината Минчи, на границата со Тајланд. Досега нема извештаи за жртви.
Весникот пренесува дека тајландските борбени авиони летале ушта над неколку камбоџански подрачја, поррај копнении поморски напади за кои нема повеќе информации. Тајланд сè уште не ги коментирал извештаите.
Претседателот на камбоџанскиот Сенат и долгогодишен челник на земјата, Хун Сен, изрази загриженост, но ја пофали армијата за „храбриот и цврст отпор“, пишува Khmer Times.
Тој претходно изјави дека Камбоџа првично била воздржана за да го почитува прекинот на огнот постигнат на 26-ти октомври, но дека армијата сега е принудена да ја брани територијата на Камбоџа.
Двете земји се обвинуваат меѓусебно за кршење на прекинот на огнот по должината на нивната граница долга 800 километри, претежно неспорна, од неделата.
Американскиот претседател Доналд Трамп, кој посредуваше во разговорите во октомври, изјави дека планира повторно да интервенира. „Ќе морам да се јавам телефонски утре“, им рече тој на поддржувачите во Пенсилванија во вторникот.
Слични новости
Израел убил најмногу новинари во светот
Меѓународната новинарска организација Репортери без граници (Reporters sans frontières – RSF) во вторникот соопшти дека Израел е одговорен за смртта на речиси половина од сите новинари убиени оваа година во светот, при што 29 палестински новинари се убиени од нејзините сили во Газа
Судири на Крит меѓу полицијата и земјоделците
Во Ираклион и Хања на Крит избувнаа судири меѓу земјоделците и грчката полиција, откако групи земјоделци и сточари нападнаа полициски сили пред аеродромите во двата града.
Во инцидентите беа повредени осум полицајци
ЕУ и НАТО: Мировните преговори зависат од суверенитетот и безбедноста на Украина
безбедноста на Украина
Суверенитетот на Украина мора да биде почитуван, а нејзината безбедност гарантирана на долгорочен аспект при секаков мировен договор со Русија, изјави претседателката на Европската комисија, Урсула фон дер Лајен