Танкерот којшто го запленија САД крај брегот на Венецуела ќе биде испратен во американско пристаниште, изјави портпаролката на Белата куќа, Каролајн Ливит, во четвртокот без да прецизира во кое пристаниште.
„Бродот ќе биде насочен кон американско пристаниште и САД имаат намера да ја запленат таа нафта… Постои законска постапка за запленување на таа нафта и таа ќе биде почитувана“, додаде Ливит.
Американскиот претседател Доналд Трамп претходно во средата изјави дека САД заплениле танкер крај брегот на Венецуела, прв во кризата меѓу Вашингтон и Каракас, која ја критикуваше како „меѓународно пиратство“.
Главната државна обвинителка на САД, Пам Бонди, и директорот на Федерално биро за истраги (FBI), Каш Пател, изјавија дека танкерот бил дел од нелегална мрежа за транспорт на нафта којашто наводно „финансира странски терористички организации“.
Бонди изјави на социјалната мрежа X дека бродот се користел за транспорт на санкционирана нафта од Венецуела и Иран, додавајќи дека танкерот е под санкции на САД со години.
Во четврток, САД воведоа нови санкции против тројцата внуци на венецуелскиот претседател Николас Мадуро и шест бродови што транспортираат венецуелска нафта, објави американскиот портал Axios, пренесува Reuters.
Трамп во неколку наврати се закани со воена интервенција во Венецуела, обвинувајќи ја за наводно испраќање дрога во САД.
„Николас Мадуро и неговите криминални соработници во Венецуела ги преплавуваат САД со дрога што го труе американскиот народ“, изјави американскиот министер за финансии Скот Бесент, според соопштението објавено од Axios.
Слични новости
Зеленски: Секој компромис со Русија мора да биде потврден на изборите
Украинскиот претседател Володимир Зеленски во четвртокот нагласи дека секој компромис меѓу Украина и Русија за контрола на нејзините источни региони мора да биде „фер“ и потврден на „избори“ или „референдум“
Лавров: Разрешени недоразбирањата со САД околу Украина
Рускиот министер за надворешни работи Сергеј Лавров изјави во четвртокот дека сите „недоразбирања“ со САД околу Украина се решени по состанокот меѓу претседателот Владимир Путин и американскиот претставник Стив Виткоф претходно овој месец
Зеленски вели дека Кина работи на интензивирање на соработката со Русија
Украинскиот претседател Володимир Зеленски изјави во среда, по извештајот на шефот на службата за надворешно разузнавање на Киев, дека Русија и Кина преземаат чекори за интензивирање на соработката