Бројот пензионери кои зависат од социјална помош поради нивните ниски пензии достигна рекордно високо ниво, според податоците на Федералниот завод за статистика, кои медиумите ги објавија во неделата.
Според податоците од крајот на септември 2025 година, 755.300 пензионери во Германија ја примиле таканаречената основна поддршка, вид социјална помош наменета за пензионери чии приходи не можат да ги покријат трошоците за живот.
Прагот за добивање на поддршката е 1.062 евра месечно, но се пресметува индивидуално во зависност од реалните трошоци за живот и сојузната покраина.
Во споредба со истиот период минатата година, бројот на пензионери кои примаат дополнителна државна финансиска помош е зголемен за 25.000. Меѓу нив, жените се застапени над просекот (57 отсто).
Претседателката на левичарската партија BSW, Зара Вагенкнехт, го нарече скандал тоа што сè повеќе пензионери во Германија не можат да живеат од сопствени пензии.
„Сиромаштијата во староста е веќе огромен проблем во Германија и гледаме дека со текот на времето се влошува“, рече Вагенкнехт.
Една од главните причини за зголемувањето на трошоците за живот е зголемувањето на кириите, кои се зголемија повеќе од двојно во последните десет години во поголемите градови како што е Берлин.
Слични новости
Цените на нафтата близу 62 долари
Цените на нафтата се стабилизираа околу 62 долари во вторникот, по скокот во понеделникот, балансирајќи меѓу очекувањата за зголемена понуда поради можна продажба на запленета венецуелска нафта во САД и стравувањата од нарушувања по украинските напади врз руски бродови и пристаништа
Раст на празничната потрошувачка во малопродажбата во САД
Продажбата кај американските трговци на мало се зголеми за околу 4 отсто оваа празнична сезона, според прелиминарните податоци објавени во вторник од Visa и Mastercard.
Ублажен растот на продажбата на нови автомобили во ЕУ во ноември
Продажбата на автомобили во Европската унија се зголеми по петти месец по ред во ноември, благодарение на континуираната силна продажба на електрични возила, но беше значително послаба отколку на почетокот од есента