Суд во Хонгконг го прогласи медиумскиот тајкун Џими Лаи, основач на продемократскиот весник Apple Daily, за виновен за заговор за договарање со странски сили и објавување материјали што поттикнуваат бунт.
Седумдесети иосумгодишникот беше прогласен за виновен по сите три обвиненија, од кои две се однесуваат на договарање со странски сили. Тој се изјасни за невин по сите обвиненија и сега се соочува со можна доживотна казна затвор. Висината на казната ќе му биде изречена подоцна.
Лаи, жесток критичар на кинеските власти, се смета за клучна фигура во продемократските протести што го зафатија Хонгконг во 2019 година, на кои Пекинг одговори со воведување закон за национална безбедност, тврдејќи дека тоа е неопходно за стабилноста на градот.
Судењето започна во декември 2023 година и се продолжи многу подолго од првично планираните 80 дена, завршувајќи кон крајот на август по повеќе од 150 дена сослушувања.
Лаи, кој исто така поседува британски пасош, го основалApple Daily кој беше принуден да се затвори во 2021 година откако властите започнаа истраги според сеопфатниот закон за национална безбедност.
Законот ги криминализира делата што Пекинг ги смета за бунт, отцепување и субверзија.
Лаи веќе помина повеќе од пет години во затвор откако беше осуден во претходни случаи.
Слични новости
Мицкоски од Брисел: Ние одамна заслуживме да бидеме во ЕУ, но не сме дел од неа поради вештачки причини
Добро е кога Западниот Балкан е во оптиката на Европската Унија и тоа е охрабрувачки и за граѓаните од регионот, затоа што на тој начин се покажува интересот за нашата заедничка иднина, изјави вечерва премиерот Христијан Мицкоски при пристигнувањето на Самитот ЕУ-Западен Балкан во Брисел
Путин: Русија ќе ги постигне своите воени цели дипломатски или воено
Претседателот Владимир Путин изјави во средата дека Русија ќе ги постигне своите цели во Украина или преку дипломатски или воени средства и дека ќе се стреми да прошири „безбедносна тампон зона“ во таа земја
Англиските лекари стапија во петдневен штрајк среде бранот на грип
Лекарите во Англија започнаа петдневен штрајк во средата поради платите и условите за работа поради среде силниот бран на грип, а покрај сѐ пожесток спор со владата