Судскиот совет денеска треба да формира комисија која ќе ги разгледа сите списи во врска со претходните судски случаи на обвинетиот за сообраќајката на „Партизанска“ Васил Јованов, каде животот го загуби 22-годишната Фросина Кулакова, по што ќе излезе со став дали имало пропуст во претходните судски постапки на обвинетиот Јованов.
Ова го најави претседателот на Судскиот совет Александар Камбовски, а следи по изнесените забелешки во јавноста во врска со претходните судски случаи на обвинетиот Васил Јованов за сообраќајката на „Партизанска“.

Тој вчера информира и дека комисија на Судскиот совет веќе ги разгледува списите и ќе постапи по сите забелешки на јавноста.
Таткото на Фросина, Тодор Кулаков, кажа дека ќе бараат максимална казна за виновникот за сообраќајката во која загина Фросина. Ќе бара експертиза и од Машинскиот факултет и од други независни тела. Според Кулаков, брзината со која возел Васил Јованов е над 160 или 180 километри на час.
Јованов освен што возел со брзина три пати поголема од дозволената, возел пијан, поминал на црвено и немал возачка дозвола. Јавниот обвинител Гаврил Бубевски информираше дека во случајот со прегазената Фросина Кулакова Обвинителството постапило по сите стандардни процедури и оти постапката е проширена и за родителите на обвинетиот Васил Јованов.
Слични новости
Во притвор 17 лица, уапсен и потписникот на проектот дека дискотеката во Кочани исполнува услови за лиценца
Од сношти во притвор е човекот кој ставил потпис на проектот, според кој, дискотеката ги исполнува сите потребни услови за лиценца за работа. Се сомничи за тешки дела против општата сигурност.
Коцевски: Истрагата за пожарот во Кочани ќе биде ефикасна и најпрофесионално изведена, мора да се соберат сите докази
Коцевски: Истрагата за пожарот во Кочани ќе биде ефикасна и најпрофесионално изведена, мора да се соберат сите докази
Владата на седница ќе ја потврди Одлуката за покривање на трошоците на двајца членови од семејствата на пациентите кои ќе се транспортираат во странство
За час и половина Владата ќе одржи седница на која ќе биде потврдена Одлуката за покривање на трошоците на двајца членови од семејствата на пациентите кои ќе бидат згрижени во болници надвор од државава, ифнормира денеска премиерот Христијан Мицкоски по посетата на ГОБ „8 Септември“