Судот пресуди во полза на американската поп-пејачка Мараја Кери во тужбата во која се тврди дека таа незаконски копирала елементи од нејзиниот празничен мегахит „All I Want for Christmas Is You“ од истоимената кантри песна.
Окружната судијка Моника Алмадани во Лос Анџелес во средата рече дека авторите на „All I Want for Christmas Is You“, Винс Венс и The Valiants не успеале да докажат дека нивната песна била објективно доволно слична со онаа на Мараја Кери дека нивните авторски права биле прекршени.
Песната „All I Want for Christmas Is You“ од Винс Венс и The Valiants беше објавена во 1989 година и се најде на топ листите на Billboard за време на празниците во 1990-те. Песната на Мараја се појави на нејзиниот албум „Merry Christmas“ од 1994 година и оттогаш стана популарен стандард, на врвот на топ-листата Billboard Hot 100 секоја празнична сезона од 2019 година.
Текстописците Енди Стоун, кој настапува како Винс Венс, и Трој Пауерс, поднесоа тужба во 2023 година, барајќи отштета од најмалку 20 милиони долари.
Кери минатата година одговори дека песните се „сосема различни“ и тврдеше дека слични елементи се заеднички за многу божикни песни, како што се „снег, имела, подароци под божикната елка и да се посакува саканата личност за Божик“.
Судијката Алмадани во средата утврдила дека песните не се доволно слични за поротата да може да заклучи дека Кери ги прекршила авторските права, наведувајќи ги разликите во нивните мелодии, текстови и други музички елементи.
Слични новости
Универзал снима четврто продолжение на „запознај ги родителите“
Студиото Универзал е во фаза на продукција на четврто продолжение на успешната франшиза „Запознај ги родителите“. Првиот филм „Запознај ги родителите“ од 2000-та година е фокусиран на Бен Стилер кој има проблеми да ја стекне довербата на таткото на неговата девојка кого го игра Роберт Де Ниро, а кој е пензиониран шпион на ЦИА.
U2 ќе станат почесни членови на Британската академија на текстописци
Ирскиот рок бенд U2 ќе ја добие највисоката чест на Академијата Ајворс – почесното членство – на овогодинешната церемонија на доделување награди за филмски композитори и текстописци, објавија организаторите
Почина актерот Вингс Хаузер
Холивудскиот актер Вингс Хаузер познат по улогите во „Џо Џо танчер“, „Животот те повикува“, „Одред против пороци“ и „Цврстите момчиња не танцуваат“, почина на 77 годишна возраст.