Високиот суд во Смедерево утре ќе ја изрече првостепената пресуда за Урош Блажиќ, обвинет дека на 4 мај минатата година во селата Мало Орашје и Дубона, уби девет, а рани 12 лица.
Во оваа постапка му се суди и на неговиот татко Радиша Блажиќ поради сомнение дека го набавил оружјето со кое неговиот син го изврши злосторството и кое беше пронајдено во семејната куќа.
Главниот обвинител во Смедерво Иван Конатар во завршните зборови предложи судот да ги осуди таткото и синот Блажиќ на максимални 20 години затвор.
Сепак, иако Урош Блажиќ е обвинет за неколку кривични дела меѓу кои и тешко убиство, тој не може да биде осуден на максимална казна од 20 години затвор со оглед на тоа што во моментот на извршување на кривичното дело немаше 21 година, а според законот тој е млад полнолетник, пренесе Танјуг.
Адвокатите на семејствата на убиените и ранетите, вкупно 10 адвокати, се придружија на завршниот збор на обвинителот, а некои од нив имаа и имотни барања.
Бранителот на Урош Блажиќ, предложи судот да го осуди неговиот клиент според законот, а адвокатот на таткото на Блажиќ тврди дека обвинителството не ја докажа неговата вина.
Слични новости
Осум жртви, 18 спасени по превртувањето на чамец со мигранти близу грчки Родос
Безживотните тела на осум лица биле извлечени од морскиот дел во близина на грчкиот остров Родос, откако глисер со бегалци и мигранти се превртел во обид криумчарот да побегне од патролен брод
Претепан српскиот опозициски лидер Драган Ѓилас
Лидерот на Партијата на слободата и правдата, Драган Ѓилас и членот на партијаta, Ѓорѓе Алексиќ синоќа се повредени во тепачка што избила откако затекнале лица кои лепат плакати против Ѓилас, соопшти ССП.
Вучиќ: Не ми паѓа на памет да бегам од државата и од оние што ѝ прават лошо на Србија
Додека сум жив, ќе живеам во Србија…. Се борев за Србија и ја претставував на најдобар можен начин. Ја подигнав до тие граници да не можат да ме надминат во она што го направив, вели меѓу другото српскиот претседател