Сојузен судија во петокот привремено ја блокираше администрацијата на американскиот претседател Доналд Трамп да ги замрзне сојузните грантови, заеми и друга финансиска помош.
Одлуката на американскиот окружен судија Џон Мекконел од Провиденс, Род Ајленд, беше донесена на барање на демократските јавни обвинители од 22 сојузни држави и главниот град Вашингтон, и покрај тоа што Белата куќа соопшти дека го повлекла дописот од Канцеларијата за управа и буџет во кој детално се наведува одлуката којашто демократите ја доживуваат како контроверзна, а беше објавена во понеделник.
Мекконел рече дека доказите покажувале дека политиките на Трамп и натаму остануваат на сила, и покрај формалното повлекување на „широкиот, сеопфатниот и двосмислен“ меморандум од Канцеларијата за управување и буџет на САД.
Според него, тоа е направено „само на хартија“, а можеби и со цел да се отежнат правните оспорувања. Судијата издаде привремена забрана за администрацијата да ја суспендира финансиската помош за сојузните држави.
Мекконел, кој беше назначен од поранешниот демократски претседател Барак Обама, истакна дека Конгресот не му дал на претседателот „неограничена овластување на широко и неодредено време да ги замрзне сите средства кои се експлицитно определени за конкретни корисници и цели“.
Додаде дека ненадејното замрзнување на потенцијално трилиони долари сојузни пари ќе предизвика верижна реакција што директно ќе ја загрози способноста на американските сојузни држави и другите институции да обезбедуваат основни услуги за своите граѓани.
Трамп веќе издаде извршни наредби со кои се обидува да ја запре странската помош, да ги замрзне сојузните вработувања, да ги елиминира програмите за различности во десетици сојузни агенции и да го промени статусот на сојузните службеници за да ги олесни отпуштањето, истовремено нудејќи финансиски стимулации на милиони службеници да ја напуштат државната служба.
Слични новости
Американските демократи избраа нов лидер
Настојувајќи да ја обнови партијата по поразот на изборите од Доналд Трамп во ноември, Демократскиот национален комитет (DNC) во саботата го избра Кен Марин, лидерот на партијата во Минесота, за нов претседател
Во понеделник почнуваат преговорите за новата фаза од прекинот на огнот во Газа
Израелскиот премиер Бенјамин Нетанјаху ќе ги започне преговорите за втората фаза од прекинот на огнот во Газа кога ќе се сретне со пратеникот на американскиот претседател Доналд Трамп за Блискиот исток, Стив Виткоф, во понеделник во Вашингтон
САД ја известиле Канада за воведувањето на царините
Канада добила потврда дека од вторник ќе бидат воведени царини од 25 отсто за сите стоки што се извезуваат во Соединетите држави, освен за нафтата, која ќе има царина од 10 отсто