Судиите Аритон Ала од Апелацискиот суд Скопје и Данка Ристова од Апелацискиот суд Штип се нови членови на Судскиот совет, соопшти вечерва претседателот на Комисијата за спроведување на избор на членови на Судскиот совет од редот на судиите, Субхи Јакупи, соопштувајќи ги прелиминарните резултати од денешните избори кои се одвиваа од 8 до 15 часот во изборните места во сите судови ширум земјава.
Комисијата денеска спроведе избори за избор на член на Судскиот совет од редот на судиите од апелациското подрачје Штип и еден член на Советот од редот на судиите припадници на заедниците, која е повеќе од 20 отсто од населението во државава.
Како што соопшти Јакупи, судијата Аритон Ала бил единствениот кандидат на изборната листа за избор на член на Судскиот совет од редот на судии од посебна листа на кандидати. Во судскиот именик на ниво на Македонија биле запишани вкупно 354 судии гласачи, од кои 295 судии го оствариле своето право на глас. Бројот на неважечки гласачки ливчиња е 42, додека неупотребени биле 59 гласачки ливчиња.
„Кандидатот Аритон Ала од Апелациониот суд Скопје, бидејќи беше и единствен кандидат кој добил 253 гласа, што значи е избран за член на Судски совет од редот на судии од посебна листа на кандидати од Изборна единица Република Северна Македонија “, рече Јакупи.
За избор на член на Советот од апелационото подрачје Штип, Јакупи рече имало пет кандидати, додека во судскиот именик на ниво од апелационото подрачје Штип, како изборна единица биле запишани 40 гласачи судии. Вкупниот број на судии кои го оствариле правото на глас е 39, додаде Јакупи, додека само 1 гласачко ливче било неупотребено.
„Избран член на Судскиот совет на Република Северна Македонија од редот на судии од општа листа на кандидати од апелационо подрачје Штип е судијата Данка Ристова од Апелациониот суд Штип, која добила вкупно 27 гласа’, соопшти Јакупи.
Како што појасни, секој кандидат има право на приговор во рок од пет часа од соопштувањето на резултатите, доколку, пак, нема приговори, тогаш по 12 часа се прогласуваат конечни резултати.
Слични новости
Јанев: Размислуваме за повеќе мерки за безбедноста во сообраќајот, во владина процедура дел од законските измени за „Безбеден град“
Директорот на Бирото за јавна бебзедност Александар Јанев вели дека се размислува за комбинација на повеќе мерки за подигнување на безбедноста во сообраќајот и оти се преземаат активности за да може да се пушти во функција системот „Безбеден град“
Беџети: Не најавивме бојкот на локалните избори, но можна е политичка криза
Ако се чепне Законот за јазиците, секако дека ќе дојде до политичка криза, вели Блерим Беџети од ДУИ во интервју за Радио Слободна Европа. Тој смета дека во таква ситуација не би можеле да се одржат локални избори. На државата, според, него и се потребни и предвремени парламентарни избори.
Милошоски: Пендаровски ако не може или не сака да ѝ помага на Македонија на меѓународен план, барем нека не ѝ одмага
Антонио Милошовски објави статус на Фејсбук во кој ја критикува вчерашната изјава на Пендаровски дека тој не се согласува со поддршката за Трамп. Покрај Милошевски, партијата ВМРО-ДПМНЕ излезе со осуда кон однесувањето на поранешниот претседател.