Соединетите држави и Русија во вторникот се согласија да ги решат „пречките“ во американско-руските односи и да почнат да работат на ставање крај на руската војна во Украина, соопшти американскиот Стејт департмент, појаснувајќи дека напорите се во рана фаза.
Американскиот државен секретар Марко Рубио, советникот за национална безбедност Мајк Валц и пратеникот на Белата куќа за Блискиот исток, Стив Виткофф, одржаа четири ипол-часовна средба со рускиот министер за надворешни работи Сергеј Лавров и советникот на Кремљ за надворешна политика Јуриј Ушаков во Саудиска Арабија, по телефонскиот разговор меѓу американскиот претседател Доналд Трамп и неговиот руски колега Владимир Путин минатата среда.
Високи американски претставници изјавија дека сите страни ќе мора да направат отстапки за да се стави крај на тригодишната војна во Украина. „Денес е првиот чекор на долг и тежок пат, но важен“, рече Рубио по разговорите во Ријад.
Советникот за национална безбедност на Белата куќа, Валц, им изјави на новинарите дека не е одреден датум за самитот меѓу Трамп и Путин. Делегацијата на САД рече дека преговорите ќе опфатат разговори за територија и безбедносни гаранции за Украина. Русија контролира околу една петтина од Украина.
Рубио рече дека Трамп сака брзо да дејствува за да се обиде да стави крај на војната и дека целта е праведен, траен и одржлив договор.
Во услови на загриженост во Украина и меѓу европските сојузници за напорите предводени од САД, Рубио рече дека целта е договор што е „прифатлив за сите вклучени во него, и кој очигледно ја вклучува Украина, но и нашите партнери во Европа и, се разбира, и руската страна“.
На разговорите се разговараше за воспоставување механизам за решавање на „нарушувањата во нашите билатерални односи“ со цел нормализирање на дипломатските врски, рече портпаролката на Стејт департментот Тами Брус во соопштението.
Двете страни, исто така, формираа групи составени од високи функционери кои имаат задача да го завршат конфликтот во Украина „што е можно побрзо, на начин кој е траен, одржлив и прифатлив за сите страни“, додаде таа.
Стејт департментот соопшти дека средбата претставува важен чекор во процесот кој е во почетна фаза.
„Еден телефонски повик и една дополнителна средба не се доволни за воспоставување траен мир“, рече Брус.
Слични новости
Трамп ги опиша разговорите со Путин продуктивни, Зеленски вели дека Русија е во застој
Американскиот претседател Доналд Трамп во петокот рече дека има „многу добри шанси“ да се стави крај на руско-украинската војна по „продуктивната“ дискусија со рускиот претседател Владимир Путин, додека украинскиот лидер Володимир Зеленски ја обвини Москва дека само „го комплицира и го одложува процесот“ со поставување услови за прекин на огнот
Политико: Португалија се откажа од купување авиони Ф-35 заради политиката на Трамп
Португалија реши да не ги заменува своите борбени авиони Ф-16 со модерните Ф-35 модели затоа што ситуацијата со претседателот на САД Доналд Трамп доведе до несигурност во врска со односите на Америка и нејзините сојузници
Кремљ: Путин му испратил порака на Трамп во врска со предлогот за прекин на огнот
Портпаролот на Кремљ, Дмитриј Песков изјави дека е договорен разговор меѓу Путин и Трамп, но не и времето за разговор.