Бриџит Џонс, откачената филмска хероина, им се придружи на Мери Попинс, Хари Потер и други сакани филмски ликови со своја статуа на лондонскиот Лестер Сквер.
Добитничката на Оскар, Рене Зелвегер, која го толкуваше главниот лик во сите четири филмови „Бриџит Џонс“, присуствуваше во понеделникот на откривањето на статуата по повод 25-годишнината од појавувањето на првиот филм „Дневникот на Бриџит Џонс“.
„Прилично е лудо. Помачлу е чудно. Не е нешто што некогаш би го очекувале (…) тоа е големо изненадување“, рече Зелвегер.
Авторката Хелен Филдинг го создаде ликот на Бриџит Џонс пред повеќе од 30 години за колумна во весник во која детално опишуваше љубовниот живот на Бриџит.
Статуата на Бриџит Џонс е дел од филмската патека наречена „Scenes in the Square“, исполнета со скулптури на филмски ликови на Лестер Сквер, каде што се одржуваат многу филмски премиери. Патеката беше отворена во 2020 година и вклучува статуи на Лорел и Харди, како и на Бетмен, меѓу другите.
Ерик Фелнер, претседател на филмската компанија „Working Title“, која ја продуцираше франшизата „Бриџит Џонс“, по најавата дека ќе биде подигната статуа во центарот на Лондон во чест на истоимената хероина, изјави: „Одлично е бидејќи Бриџит е вистински лондонски херој, а идејата таа да биде постојано присутна во центарот на Лондон е навистина возбудлива“.
Задоволен, Фелнер се пофали: „Ова е првпат да изберат лик од романтична комедија“.
Слични новости
Откриена галаксија слична на Млечниот пат стара 12 милијарди години
Индиските астрономи открија масивна галаксија слична на Млечниот пат која е стара околу 12 милијарди години, пренесе Би Би Си. Таа е голема колку една третина од млечниот пат и содржи околу 10 милијарди ѕвезди
Скарлет Јохансон во завршни преговори за да игра во новиот Бетмен
По четири години кога за последен пат играше во филм со стрип јунаците на Марвел Скарлет Јохансон е на чекор да се врати во Готам. Како што известуваат холивудските медиуми, таа е во завршни преговори за да игра во Бетмен 2, секвелот на хитот на Мат Ривс од 2021
Лондонската божикна елка која традиционално ја поклонува Норвешка, вечерва ќе биде осветлена на Трафалгар
Елката симболизира пријателство меѓу Лондон и Осло во церемонија која потсетува на историјата на сојузништво меѓу двете земји. Овогодишната елка наречена „Вечниот Осло“ е висока околу 20 метри и е стара 60 години.