Европските лидери мора да дејствуваат за безбедноста на континентот „во моментот што се случува еднаш во генерација“, рече британскиот премиер Кир Стармер во неделата на почетокот на состанокот за одбрана за Украина во Лондон.
Стармер е домаќин на европските лидери собрани во Ланкастер Хаус во близина на Бакингемската палата. Пристигнаа и украинскиот претседател Володимир Зеленски, генералниот секретар на НАТО, Марк Руте, канадскиот премиер Џастин Трудо и турскиот министер за надворешни работи Хакан Фидан.
„Денеска сме собрани овде затоа што ова е момент кој се појавува еднаш во генерација за безбедноста на Европа и сите ние мора да направиме разлика“, рече лабуристичкиот премиер на почетокот на состанокот.
Добриот исход за Украина „е од клучно значење за безбедноста на секоја нација овде, а исто така и на многу други“, продолжи тој.
Средбата во Лондон се одржува неколку дена откако се разнишаа темелите на трансатлантските односи, пренесува агенцијата dpa.
Целиот свет беше сведок на расправијата меѓу американскиот претседател Доналд Трамп и украинскиот претседател Володимир Зеленски во петокот. Републиканецот го обвини Украинецот дека „се коцка со Третата светска војна“ и дека е „полн со омраза“ кон рускиот претседател Владимир Путин.
Генералниот секретар на НАТО, Марк Руте, пред средбата во Лондон изрази оптимизам за средбата на платформата Х. Нагласи дека „сите во Европа“ мора да направат повеќе за да ја поддржат Украина, дека „сите сакаат мировен договор“, но таков што ќе трае и дека европските земји мора да ги зголемат трошоците за одбраната доколку сакаат „да ја одржат силата на НАТО“, пишува BBC.
Слични новости
Данска порачува дека САД не може да го анектираат Гренланд
Министерот за надворешни работи на Данска Ларс Локе Расмунсен изјави дека Гренланд не може да биде анектиран од никого, реагирајќи на изјавата на американскиот претседател Доналд Трамп за можна анексија на Гренланд од Америка.
Мицотакис направи реконструкција на Владата, Герапетритис останува шеф на дипломатијата
Промени во неколку Министерства меѓу кои и оние за национална економија и финансии, за инфраструктура и транспорт, за енергетика, за миграција итн, направи грчкиот премиер Кирјакос Мицотакис, додека пак Јоргос Герапетритис и Никос Дендиас се меѓу министрите кои останаа на нивните позиции, односно во Министерствата за надворешни работи и за национална одбрана
Венс: Би бил шокиран доколку Трамп сака нуклеарно оружје подалеку на истокот на Европа
Американскиот потпретседател ЏејДи Венс изјави во четвртокот дека би бил шокиран доколку претседателот Доналд Трамп би сакал нуклеарното оружје на САД да биде преместено понатаму на истокот во Европа кон границите на Русија.