Производите кои се темелат врз вредностите како што е Чат ГТП неизбежно би одразувале американски доминантни политички, општествени и културни вредности во своите одговори на прашањето на корисниците. Тоа носи ризик, врвната технологија на ВИ да ја контролираат неколку компании со седиште во САД.
Американскиот претседател Доналд Трамп најави вложувања на приватниот сектор за финансирање на инфраструктурата за вештачката интелигенција со цел да ги надмине конкурентските нации во оваа технологија.
Нарекувајќи го проектот „ далеку најголем“ за развој на вештачката интелигенција во човековата историја, Трамп рече дека заедничкото вложување под името Старгејт ќе изгради центри за податоци и ќе отвори повеќе од 100.0000 работни места во САД.
Овие компании, заедно со други акционери на Старгејт, вложија милијарди долари во актуелните вложувања, а се очекува во наредните четири години да се случат преостанатите вложувања.
Станува збор за заеднички потфат на Опен АИ, Оракл, Софтбанк и МГХ кои планираат да вложат 500 милијарди долари во идните четири години за изградба на центри за податоци потребни за развојот на проектите за вештачка интелигенција во САД.
Првата инекција од 100 милијарди долари почнува веднаш, соопшти Опен АИ, а технологијата ќе ја обезбедат Арм, НВИДИА и Мајкрософт.
Променети се и ограничувањата во развојот на вештачката интелигенција.
Во октомври 2023 поранешниот американски претседател Џо Бајден издаде сеопфатна извршна наредба за регулирање на развојот на вештачката интелигенција, поради се поголемата загриженост за нејзиниот потенцијален ефект врз се, почнувајќи од националната безбедност, па се до јавното здравје. Наредбите вклучуваа одредби со кои најмоќните програмери на ВИ модели мораат да ја известат владата за својата работа и да ги дадат резултатите од тестовите на безбедност.
Но, уште првиот ден откако стапи на функцијата, Трамп ги поништи овие наредби, а Старгејт и другите проекти на ВИ веќе нема да подлегнуваат на национални развојни насоки. Одлуката на Трамп беше поздравена во ВИ заедницата.
Но, има загриженоста за неконтролиран развој на ВИ како во САД, така и надор од Америка. Производите кои се темелат врз вредностите како што е Чат ГТП неизбежно би одразувале американски доминантни политички, општествени и културни вредности во своите одговори на прашањето на корисниците. Тоа носи ризик, врвната технологија на ВИ да ја контролираат неколку компании со седиште во САД.
„Таков монопол би ги направил економиите на другите земји зависни од американската технологија, давајќи му на Вашингтон голема политичка моќ врз контролата на извозот и преку санкции. Сите земји освен САД би го загубиле технолошкиот суверенитет, а другите сектори кои зависат од ВИ исто така би страдале поради неконкурентност“, изјави Холгер Хос професор за ВИ на германскиот универзитет во Ахен, кој е претседател на Одборот на конфедерацијата на лаборатории за истражување на ВИ во Европа.
Се смета дека кој ќе биде лидер во оваа сфера ќе биде владар на светот. Во 2017 Кина претстави планови за доминација во сферата на ВИ.
Исто така, се смета дека оној што води во ова технолошко напредување ќе има огромни економски предности и затоа САД вложуваат толку многу во оваа сфера.
Слични новости
Делови на Лос Анџелес претворени во пепел, расте бројот на жртвите од пожарите
Пожарникарите веќе петти ден се обидуваат да ги стават под контрола разурнувачките пожари во Лос Анџелес кои досега однесоа најмалку 11 жртви, а околу 180 000 луѓе се евакуирани. Огинот уништи цели станбени населби на Лос Анџелес, меѓу кои и домовите на некои од холивудските филмски ѕвезди.
Во недела се гласа на вториот круг од претседателските избори во Хрватска
На актуелниот хрватски претседател Зоран Милановиќ му недостигаше многу малку за да стигне до над 50 насто од освоените гласови и да победиво првиот круг. Милановиќ доби 49,09 насто од гласовите. За кандидатот на ХДЗ гласаа 19,36 насто од изборачите, а разликата од 30 проценти меѓу двајцата кандидати кои влегуваат во вториот круг е најголема во историјата на Хрватска.
Рекордно жешката 2024., првата што го надмина прагот на затоплување од 1,5 степени Целзиусови
Минатата година беше најтоплата досега забележана и прва што го надмина клучниот праг на глобалното затоплување од 1,5 степени Целзиусови над прединдустриските температури, велат научниците