Сојузот на синдикати на Македонија најавува протести во април доколку не се постигне договор за зголемување на платите. Претседателот на ССМ Слободан Трендафилов денеска на прес-конференција најостро ги осуди политичките напади врз синдикатот и рече дека нема да дозволат работничката класа да се става во подредена положба.
Сојузот на синдикати на Македонија (ССМ) подаде рака за преговори, но испрати и ултиматум до Владата, повикувајќи на итно зголемување на платите и предупреди дека ССМ нема да биде виновен за протестите доколку не се постигне договор, рече Трендафилов додавајќи дека протестите би се одржале на 2 и 7 април пред Владата.
Потсети дека Владата ги повлекла членовите од Комисијата за утврдување на репрезентативност со цел, како што рече, да имаат изговор да кажат дека платите не треба да се зголемат.
Трендафилов најави дека во наредниот период, седниците на Претседателството на Советот и највисоките раководства на ССМ ќе се одржуваат на отворено.
„Претседателството донесе одлука врз основа на која во наредниот период седниците на Претседателството на Советот и највисоките раководства на органите и телата ќе се одржат на отворено и пред работодавачите и пред Владата како досега што го правевме тоа на претходната влада, имајќи предвид дека во 2022 година токму на таков начин обезбедивме 2.806 денари“, рече Трендафилов.
Слични новости
Собранието ја изгласа предлог-одлуката за објавување јавен конкурс за именување на членови на Програмскиот совет на МРТ
Собранието денеска во рамки на 38. седница ја изгласа предлог одлуката за објавување на јавен конкурс за именување на членови на Програмскиот Совет на Македонската радио телевизија, како и таа за именување на член на Државната комисија за одлучување во управна постапка од работен однос и инспекциски надзор во втор степен
Мирче Ѓоргоски нов командант на Командата за операции, најголемата оперативна команда во АРМ
Врз основа на Укази на претседателката и врховен командант на Армијата, Гордана Сиљановска Давкова, должноста командант на КО од бригаден генерал Бесник Емини ја прими бригаден генерал Мирче Ѓоргоски.
Студенти од ФИНКИ ќе му помагаат на МОН во унапредување на дигиталното работење и дигитализацијата на образованието
Студенти од Факултетот за информатички науки и компјутерско инженерство (ФИНКИ) ќе му помагаат на Министерството за образование и наука во унапредување на дигиталното работење и забрзување на процесот на дигитализација на образованието, за што денеска Меморандум за соработка потпишаа министерката Весна Јаневска и деканот на ФИНКИ Боро Јакимовски