Премиерот Христијан Мицкоски во рамките на неговата посета на Вашингтон, денеска остварил средба со заменик помошник секретар за Западен Балкан, Александар Касаноф, на која станало збор за европските интеграции и препреките со кои се соочува земјава на тој план.
„Остварив средба со Александар Касаноф кој е заменик помошник секретар за Западен Балкан, како и за печат и јавна дипломатија во Бирото за европски и евроазиски прашања на Стејт департментот. Разговаравме за состојбата во државата, европските интеграции и препреките со кои се соочува земјава на тој план. Имаме идеја, имаме план, Македонија има пријатели!, објави на својата фејсбук страница премиерот Мицкоски.
Американската амбасадорка Анџела Агелер денеска рече дека ѝ е мило што премиерот и членовите на неговиот Кабинет се повторно во Вашингтон.
„Мило ми е што премиерот и членовите на неговиот Кабинет се во Вашингтон. Фактот што тој е неколку пати таму откако ја презема неговата позиција како премиер, исто како и многу други министри само зборува за близината на нашите односи и на многу начини покажува дека ние како САД и Северна Македонија билатерално може да соработуваме. Очекувам таа соработка да биде зајакната“, рече Агелер во одговор на новинарско прашање по примопредавање на мобилно оперативно возило на Црвен крст.
Слични новости
Со реформите на кои сите чекаме, сакаме да видиме силно судство, порача Рокас
Шефот на Делегацијата на ЕУ, амбасадорот Михалис Рокас изјави дека одблизу ги следат случувањата поврзани со разрешувањето на членови на Судскиот совет и смета дека се што може да се гледа како мешање во независноста на судството и во функционирањето на Судскиот совет е прашање што во Брисел предизвикува загриженост.
Платформата на граѓански организации за борба против корупција бара еднаков третман пред законот и вистински системски реформи за безбеден и квалитетен живот на граѓаните
Транспарентна истрага за пожарот во Кочани, реформа на казнена политика, одговорност на институциите, компаниите, теренски проверки, инспекција врз инспекторите, ревизија на постапки за добивање лиценци, итно постапување по насоките на Државната комисија за спречување корупција и Државниот завод за ревизија, како и вертикална одговорност побара денеска Платформата на граѓански организации за борба против корупција.
Влада: Нема официјално барање од СДСМ за лидерска средба, отворени сме за секаков предлог и иницијатива за помош
По најавата на лидерот од опозициската СДСМ Венко Филипче дека следната недела во Собранието ќе иницира лидерска средба по пожарот во Кочани, денеска од Владата велат дека кај нив нема стасано официјално барање, ниту пак иницицијатива од СДСМ, но дека Владата и премиерот се отворени за секаков предлог и иницијатива која има за цел да помогне.