Претседателката на српскиот парламент Ана Брнабиќ изјави дека во денешните немири во парламентот се повредени три пратенички, меѓу кои и една која доживеала мозочен удар и се бори за животот, пренесува агенцијата Бета.
„Пратеничката Јасмина Обрадовиќ доживеа мозочен удар кога пратениците од опозицијата фрлија врз неа шок-бомба. Нејзиниот живот е во опасност“, рече Брнабиќ.
На уште една пратеничка, која е во осмиот месец од бременоста, ѝ се слошило а лекарите се борат за животот на детето. Трета е тешко повредена кога „шок-бомба ја погоди во главата“, рече Брнабиќ.
Димни бомби, тепачки и општ хаос го означија почетокот на пролетната седница на српскиот парламент во вторникот, објавија белградските медиуми.
Агенцијата Танјуг пренесува дека нередите избувнале кога пратениците од опозицијата се упатиле кон местото на претседателката на парламентот Ана Брнабиќ, но обезбедувањето во Скупштината ги спречило да стасаат до неа.
По, пренесува Танјуг, опозициските пратеници запалиле факели во и фрлиле солзавец развивајќи транспарент на кој пишуваше „Србија се крева за да го урне режимот“.
Брнабиќ им порача дека единствениот начин да се запре работата на владејачките пратеници кои работат за напредокот на Србија е „да ги убиеш“.
Ситуацијата во парламентот во меѓувреме се смири, пренсуваат медиумите.
Слични новости
Зеленски: Украина „целосно конструктивна“ во разговорите со американските претставници
Претседателот Володимир Зеленски рече дека позицијата на Украина на разговорите во Саудиска Арабија со американските претставници во вторник ќе биде „целосно конструктивна“ и дека се надева на практични исходи од преговорите за ставање крај на руската војна во неговата земја
САД укинуваат 83 отсто од проектите за меѓународна помош финансирани од УСАИД
Американскиот државен секретар Марко Рубио детално го опиша големото скратување на проектите управувани од меѓународната агенција за развој УСАИД
Сирија: SDF предводени од Курдите ќе се интегрираат во државните институции
Сириските демократски сили (SDF) предводени од Курдите, поддржани од САД, кои контролираат голем дел од североисточниот дел на Сирија, богат со нафта, потпишаа договор со кој се согласуваат да се интегрираат во новите државни институции предвоени од шеријатските власти, соопшти во понеделникот сириското претседателство