Руските сопственици се согласија да го продадат својот дел во Нафтената индустрија на Србија (НИС), кој изнесува 56,15 отсто, изјави во средата министерката за рударство и енергетика Дубравка Ѓедовиќ Хандановиќ, објави Радио телевизија на Србија (РТС).
Ѓедовиќ Хандановиќ нагласи дека името на третата страна не се открива, бидејќи станува збор за „деловни преговори на сериозни компании“ и дека „сè додека не завршат или барем не се дефинираат клучните детали, не е сериозно да се зборува за тоа“.
„Ништо не е скриено од јавноста. Како што можете да видите, досега комунициравме многу транспарентно за сè. Нашето барање е јасно: рафинеријата мора да продолжи да работи и што е можно поскоро да се обезбеди нова испорака на сурова нафта“, рече министерката.
Потсети дека 43 дена во Србија не пристигнале пратки нафта од хрватскиот нафтовод Janaf, а граѓаните не го почувствувале тоа.
„Токму затоа што работевме напорно за да бидеме подготвени за сите сценарија ако и кога ќе се појават предизвици со НИС“, додаде Ѓедовиќ Хандановиќ.
Таа, исто така, изјави дека НИС, преку своите адвокати во САД, поднел барање до американската влада за продолжување на нејзината лиценца за работа за да може да продолжи да снабдува сурова нафта и да обезбеди континуирано работење на рафинеријата во Панчево.
„Сега чекаме одлука на американската влада – дали она што го предложија, а во кое секако сме вклучени и ние, ќе биде прифатено“, рече Ѓедовиќ Хандановиќ,
Нафтената индустрија на Србија, која е под санкции на САД од 9-ти октомври поради нејзиното мнозинско руско сопствеништво, вчера поднесе ново барање до Канцеларијата за контрола на странски средства при Министерството за финансии на САД (OFAC) за издавање посебна лиценца што би овозможила непречено работење на компанијата.
Слични новости
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации
РКЕ ги намали надоместоците за дистрибуција, пренос и за операторот на пазарот на електрична енергија
Регулаторната комисија за енергетика (РКЕ) за 3,64 отсто го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година