Руските сопственици на компанијата Нафтена индустрија на Србија (НИС) го користат својот дел од профитот за финансирање брутална агресија против Украина и загрозување на стабилноста на Балканот и Европа, наместо да инвестираат во иднината на Србија, тврди во соопштението американската амбасада во Белград како одговор на белградските медиуми по најавата за можни санкции против НИС.
По повод најавата дека САД би можеле да воведат санкции за НИС, од американската амбасада не можеле да ја коментираат веста, но посочија дека „одамна е познато дека постои ризик од соработка со руски компании, особено во енергетскиот сектор“.
Можноста новата американска администрација да воведе санкции за НИС ја најави српскиот претседател Александар Вучиќ на 13. декември, наведувајќи дека има „некаков вид официјална потврда“ дека одлуката ќе стапи на сила на 1. јануари поради на руска сопственост во НИС.
Како одговор на Euronews во Србија, амбасадата на САД нагласува дека НИС е „национален ресурс за Србија, но дека руските сопственици користат дел од профитот за финансирање на агресијата против Украина“.
„НИС е скапоцен национален ресурс за Србија кој вредеше повеќе од две милијарди долари во 2008 година, кога Газпром купи повеќе од половина од акциите за мал дел од нивната пазарна вредност, и сега е најпрофитабилната компанија во Србија“, вели американската амбасада во Белград.
Од 2008 година, Нафтената индустрија на Србија е во мнозинска сопственост на руската државна компанија „Газпромњефт“ и нејзината кровна компанија „Газпром“.
Според податоците на Централниот регистар на хартии од вредност, „Газпромњефт“ и „Газпром“ имаат 56,15 отсто сопственост, додека 29,87 отсто се во сопственост на Србија.
Од почетокот на руската инвазија во Украина во февруари 2022 година, Белград одбива да се приклучи на западните санкции против Москва и продолжува да одржува врски со официјални лица во Кремљ.
Во енергетскиот сектор, Србија е доминантно зависна од рускиот гас, но презеде мерки за пренасочување на патиштата за снабдување и добавувачите.
Последниот договор за испорака на гас, што го договорија претседателите на Русија и Србија, Владимир Путин и Александар Вучиќ, во екот на инвазијата на Украина во мај 2022 година, трае до март 2025 година.
Слични новости
На Санторини смирена ситуацијата со земјотресите, Мицотакис порачува дека Грција е безбедна земја
Најверојатното сценарио за сеизмичката активност во морскиот дел меѓу Санторини и Аморгос, според претседателот на Организацијата за антисеизмичко планирање и заштита на Грција (ОАСП) Ефтимиос Лекас е постепена деескалација на појавата, додека во изминатите два дена не беше регистриран поголем земјотрес, а грчкиот премиер Кирјакос Мицотакис порача дека Грција е безбедна земја
Пицула: На Србија ѝ недостига реален напредок кон ЕУ
Србија изминатите години нема вистински напредок на нејзиниот пат кон Европска Унија, изјави денеска известувачот на Европскиот парламент за Србија, Тонино Пицула, пред европратениците од Парламентарната комисија за надворешни работи.
Мицотакис: Потребно е Европа да се разбуди од геополитичката и економската летаргија
За жал, неодамнешните случувања и овој различен поглед на работите од САД веќе нè обврзуваат,не само да се соочиме со вистината, туку да се движиме со многу голема брзина и да ги спроведеме одлуките за кои долго разговараме, посочи грчкиот премиер Кирјакос Мицотакис за време на неговото учество на „Thessaloniki Summit“.