По падот на владата во вторник, постојат две опции – формирање нова влада во законскиот рок или одржување предвремени избори, изјави во вторник српскиот претседател Александар Вучиќ.
Вучиќ во вечерашното обраќање пред медиумите рече дека во следните десет дена ќе донесе одлука дали ќе има избори или ќе формира нова влада.
Изборите би можеле да се одржат за 75 дена, рече Вучиќ, додавајќи дека „нема да има преодни влади“ и дека таа опција „не му паѓа на памет“, како и дека тој треба да одлучи за тоа.
Додаде дека како претседател го назначува мандатарот, но дека „не е сигурен“ дали ќе има избори или нова влада, која мора да биде потврдена од парламентарното мнозинство.
Претходно денеска, лидерите на одредени опозициски партии и движења, реагирајќи на оставката на премиерот Милош Вучевиќ и падот на владата, порачаа дека „сега изборите не се тема“, инсистирајќи дека прво морало да се исполнат сите студентски барања, а потоа морало да се создадат услови за фер избори преку преодна влада.
Само тогаш може да се одржат избори, порача опозицијата, која оставката на премиерот и владата ја гледа како „обид да се купи време“ и да се избегне откривање на сите одговорни за трагедијата во Нови Сад, што дел од српската опозициска јавност ја гледа како очигледна последица на корупцијата и негрижата на државата.
Вучевиќ во вторникот поднесе оставка под притисокот на студентските и граѓанските протести кои траат речиси три месеца и се закануваа да прераснат во улични судири со поддржувачите на владејачките партии по низата инциденти, барајќи од властите да одговараат за несреќата во Нови Сад, кога се урна настрешница на станицата и загинаа 15 лица.
Коментирајќи го денешниот пад на владата, Вучиќ иронично им се заблагодари на „хрватските соседи“ и на Албанците во Приштина. Велат, додаде тој, дека биле многу среќни поради „нокдаунот во кој сум“ и „како пропадна“, но дека тоа неми „на најдобар начин му потврдува колку добри работи прави и колку се бори за исправни цели“.
Денеска немаше да се случат оставките на премиерот Милош Вучевиќ и градоначалникот на Нови Сад, Милан Ѓуриќ, доколку не се случеше инцидентот во Нови Сад, оцени Вучиќ, велејќи дека сторителите нанеле „огромна штета на државата, на СНС и на секој од нас”.
Вучиќ повтори дека сите студентски барања се „целосно исполнети“ и дека утре ќе потпише помилување за уапсените демонстранти, иако додаде дека тоа „се коси со неговите принципи“.
Коментирајќи ги студентските блокади на факултетите и граѓанските протести, тој предупреди дека тие го предизвикале „гневот на мнозинската Србија“ кој „расте секој ден“ и дека се „плаши“ од тој гнев.
„Ги молам луѓето кои ме почитуваат – пуштете ги, нека шетаат и прават што сакаат, пуштете ги, посветете се на својата работа“, им порача Вучиќ на своите поддржувачи.
Слични новости
Вучиќ помилува 13 лица, меѓу кои шест студенти, декан, доцент, директори на училишта
Српскиот претседател Александар Вучиќ во средата помилува 13 лица, меѓу кои шест студенти, кои со тоа беа ослободени од кривично гонење
БиХ: Судењето на Додик продолжува по двомесечна пауза, тој повторно се жали
Судењето на лидерот на босанските Срби, Милорад Додик, продолжи во средата во Судот на Босна и Херцеговина по речиси два месеца пауза, а судијката Сена Узуновиќ го одби неговото барање за почеток на процесот одново бидејќи претходното рочиште се одржа на 5-ти декември минатата година
Грција ѝ порача на Франција дека се противи на продажбата проектили на Турција
Противењето на Грција за продажбата на проектили Метеор на Турција од конзорциум во кој учествува и Франција, го изразил грчкиот министер за одбрана Никос Дендиас до француската амбасадорка во земјата Лоренс Оер,