Србија: Во екот на студентските протести, владата порано објави училишен распуст

Неколку министри си поднесоа оставки и се приведен во притвор, преседателот Александар Вучиќ објави делови од истрагата и рече дека се исполнети главните студентски барања, но протестите продолжија под водство на политичката опозиција, а владејачката партија обвинува дека многу директори и наставници на средни па и на основно училишта незаконски ги изведуваат малолетниците на протести запирајќи ја наставата.

Опозицијата и активистите ги обвинуваат властите и владејачката партија дека испраќаат свои членови, функционери и провокатори на блокадите со кои се парализираат движењата во градовотеи, за да остават впечаток во јавноста дека овие протести се насилни.

По наводен провокаторски напад врз студенти на белградскиот Факултет за драмски уметности, кои им оддаваа почит на 15-те загинати, започна бран протести и повеќе од 50 факултети и ректори во сите четири државни универзитетски центри беа блокирани, а нејасно се бара „браза и ефикасна“ истрага за несреќата и објавување на сите документи кои сведочат за причините за падот на настрешницата, што Вучиќ и го стори.

Од ден на ден, средношколците навоно се приклучуваат на протестите, за кои државните лидери, почнувајќи од српскиот претседател Александар Вучиќ, тврдат дека се „политички инструирани“.

Средношколците од неколку белградски училишта во петокот блокираа две улици пред зградата на Владата со симболичен протест во 11:52 часот, кога падна настрешницата на станицата и им оддадоа почит на жртвите. Средношколците уште еднаш ја истакнаа својата поддршка за студентите кои бараат одговорност за трагедијата во станицата во Нови Сад.

Иако во владината одлука за почеток на распустот, една седмица порано, протестите на средношколците и блокадата на одредени училишта не беа споменати како причина за промена на училишниот календар, мнозинството од опозициската јавност вели дека нема дилеми дека овој потегот на извршната власт е резултат на „младинскиот бунт на кој владата нема вистински одговор“.

Распустот на територијата на Војводина требаше да започне на 24-ти декември, а во остатокот од Србија на 30-ти декември, според досегашниот закон.

На почетокот од седмицава, ректоратот на Универзитетот во Белград го отфрли предлогот на студентите да се прогласи генерален штрајк на универзитетот но студентите упорно го блокираат факултетот, инсистирајќи дека не се исполнети сите нивни барања.