Австралиските власти во средата објавија дека полицијата спречила можен голем антисемитски терористички напад.
Приколка натоварена со експлозив била откриена во северозападниот дел на Сиднеј на 19-ти јануари, изјави премиерот на државата Нов Јужен Велс, Крис Минс.
Адресата на тамошната синагога беше во возилото, рече Минс истакнувајќи дека пронајдениот експлозив може да создаде радиус на експлозија од 40 метри, опишувајќи го случајот како „многу сериозна закана“ за заедницата.
Австралиските медиуми објавија дека елитната единица за борба против тероризмот со денови работи на откривање повеќе информации за наводниот заговор за напад. Но, заменик полицискиот комесар Дејвид Хадсон рече дека досега немало апсења директно поврзани со приколката полна со експлозив.
Последниве месеци заележани е зголемен број антисемитски инциденти, вклучувајќи вандализам и подметнување пожари во Сиднеј и други австралиски градови. „Секој чин на антисемитизам е навреда за тоа кои сме ние како Австралијци“, напиша неодамна премиерот Ентони Албанесе на X.
Слични новости
Сенатот го потврди Крис Рајт за нов американски министер за енергетика
Американскиот Сенат во понеделникот го потврди Крис Рајт, директор на нафтена компанија без политичко искуство, за нов секретар за енергетика во администрацијата на претседателот Доналд Трамп
ЕК ќе толерира поголеми дефицити доколку земјите-членки трошат на одбраната
Најавата на претседателката на Комисијата би значела дека земјите-членки би можеле да имаат уште поголеми дефицити доколку овие средства се наменети за одбранбени проекти
Трудо: За триесет дена одложени американските царини за Канада
Канадскиот премиер и американскиот претседател разговарале двапати телефонски во понеделникот во обид да ја запрат трговската војна, известуваат медиумите