Компанијата Парамаунт Скајденс соопшти дека прифатила да се одложи спојувањето со медиската групација Ворнер Брос Дискавери до први јуни 2027, односно до завршување на судската остапка по тужбата на државните обвинители кои бараат забрана на трансакцијата вредна 110 милијарди долари поради сомнеж дека ја нарушува пазарната конкуренција.
По објавувањето на оваа информација, акциите на Парамаунт и на Ворбер Брос паднаа на берзата.
Парамаунт порача дека е подготвен на суд да докаже дека спојувањето е добро за конкуренцијата, авторите и публиката, што веќе го заклучија некои регулатори и очекува судот да пресуди во нивна полза.
Тужбатапротив спојувањето на двете филмски студија ја предводи државниот обвинител на Калифорнија Роб Бонта, кој на 13 јули поднесе тужба до судот наведувајќи дека реализацијата на спојувањето би ја укинало конкуренцијата во Холивуд.
„Незаконското спојување на овие два гиганти на забавната индустрија би довело до повисоки цени, понизок квалитет и помал број на содржини за филм и телевизија, што би ги погодило кината, дистрибутерите на кабелска телевизија и на крајот публиката“, изјави Бонта кога ја поднесе тужбата.
Слични новости
Трамп ја најави најразурнувачката економска операција против Иран
Американскиот претседател Доналд Трамп најави нова, многу поостра фаза на економски притисок врз Иран која ја нарече „економски ден Д“, предупредувајќи дека ќе се соочат со сериозни последици сите држави, банки и компании кои ќе продолжат да одржуваат финансиски врски со Иран.
Трамп и се закани на Британија со царини од 100 насто
Американскиот претседател Доналд Трамп е сериозен во намерата да воведе 100 насто царина на британските стоки доколку Лондон не го укине данокот на дигитални услуги кој ги погодува големите американски технолошки компании, предупреди трговскиот претставник на САД Џејмисон Грир.
Грција ја намалува задолженоста
Во Министерството за финансии разгледуваат предвремена отплата на речиси 13 милијарди евра од долгот до крајот на годината, наместо планираните девет милијарди евра.