Компанијата Парамаунт Скајденс соопшти дека прифатила да се одложи спојувањето со медиската групација Ворнер Брос Дискавери до први јуни 2027, односно до завршување на судската остапка по тужбата на државните обвинители кои бараат забрана на трансакцијата вредна 110 милијарди долари поради сомнеж дека ја нарушува пазарната конкуренција.
По објавувањето на оваа информација, акциите на Парамаунт и на Ворбер Брос паднаа на берзата.
Парамаунт порача дека е подготвен на суд да докаже дека спојувањето е добро за конкуренцијата, авторите и публиката, што веќе го заклучија некои регулатори и очекува судот да пресуди во нивна полза.
Тужбатапротив спојувањето на двете филмски студија ја предводи државниот обвинител на Калифорнија Роб Бонта, кој на 13 јули поднесе тужба до судот наведувајќи дека реализацијата на спојувањето би ја укинало конкуренцијата во Холивуд.
„Незаконското спојување на овие два гиганти на забавната индустрија би довело до повисоки цени, понизок квалитет и помал број на содржини за филм и телевизија, што би ги погодило кината, дистрибутерите на кабелска телевизија и на крајот публиката“, изјави Бонта кога ја поднесе тужбата.
Слични новости
Боинг и синдикатот ги продолжуваат преговорите за новиот колективен договор
Преговорите меѓу Боинг и синдикатите ќе продолжат, откако околу 17.000 членови на синдикатот на вработените и на професионалните инженери го отфрли предлог договорот на Боинг, пренесува Ројтерс.
Американските акции паднаа откако ФЕД изрази загриженост поради движењата на инфлацијата
Претседателот на ФЕД изјави дека најновите податоци за индексот на цените на личната потрошувачка и на цените на потрошувачката се нешто подобри од очекувањата, но дека не укажуваат на значително подобрување на инфлаторните трендови.
Енвидија повторно ги надмина очекувањата: Кварталната нето добивка на компанијата близу 54 милијарди долари
Највредната компанија во светот Енвидија објави дека во вториот фискален квартал оствари многу подобри резултати од очекувањата , бидејќи нето добивката на Енвидија е повеќе од двојно зголемена и изнесува 53,95 милијарди долари.