Специјалниот пратеник на американскиот претседател Доналд Трамп за Русија и Украина Кит Келог се противел на состанокот меѓу Трамп и Зеленски во овалната соба, сметајќи дека нивниот однос најпрво треба да биде зацврстен. Си-Ен-Ен јавува дека тимот на Зеленски инсистирал на средбата во Белата куќа и покрај советот на Келог.
Келог изјави дека Зеленски на состанокот постапил „на најлош можен начин, оддавајќи впечаток дека е непопустлив. Тоа не мина добро, а сите во просторијата се почувствуваа навредени. Сега Зеленски самиот мора да најде начин како да ја поправи оваа ситуација, ние не може да му помогнеме“ изјави Келог.
Средбата меѓу Трамп и Зеленски, на која присуствуваше и потпретседателот Џеј Ди Венс мина во напната атмосфера и караници, за на крајот Зеленски да биде исфрлен од Белата куќа без да одржи прес-конференција и без да биде постигнат договор.
Скандалозната дискусија во Белата куќа која беше пренесувана од телевизиските камери стана вирална и најкоментиран настан во светот на социјалните мрежи.
Трамп на својата мрежа Трут Сошиал објави дека Зеленски „покажал непочитување кон САД во Белата куќа“. Европската Унија и другите сојузници на Украина застанаа зад Зеленски.
Слични новости
Хамас го поздравува ретерирањето на Трамп од предлогот за раселување во Газа
Портпаролот на Хамас, Хазем Касем, во средата го поздрави очигледното повлекување на американскиот претседател Доналд Трамп од предлогот за трајно раселување на Палестинците од Газа
Русија има барања за разговорите со САД околу Украина
Не е јасно што точно ставила Москва на својата листа или дали е подготвена да се вклучи во мировни преговори со Киев пред да ги прифати барањата
Канада им возвраќа на САД со царини од 29,8 милијарди долари
Канада ќе им воведе на САД царини во вредност од 29,8 милијарди канадски долари почнувајќи од четврток наутро како одговор на царините што ги воведе Вашингтон за челик и алуминиум, изјави канадскиот министер за финансии Доминик Лебланк