Во денешното дернби на 12. коло на Премиер лигата Њукасл во сензационален натпревар го победи Манчестер сити со 2:1. Херој на Њукасл беше Харви Барнс кој ги постигна двата гола за Њукасл, иако претходно промаши две стопроцентни шанси.
Голманот на Манчестер сити Донарума го спаси својот тим од катастрофа, затоа што им одбрани неколку зицери на Барнс и Волтемаде. На другата страна шанси за гол имаа Халанд и Фоден, но единствениот гол за Манчестер сити го постигна Рубен Дијаш.
Њукасл поведе во 68. минута, но за само две минути Манчестер сити израмни на 1:1. Во 75. минута Барнс го постигна својот втор гол во акција во која претходно Бруно Гимараеш ја погоди гредата. До крајот на мечот Сити напаѓаше и имаше посед од дури 90 посто, но не создаде ниту една вистинска шанса за гол.
Победник на денот е Арсенал, бидејќи двата најсериозни ривали за титулата Манчестер сити и Ливерпул денеска беа поразени. Арсенал утре го игра дербито на северен Лондон со Тотенхем.
Слични новости
НБА: По четири врзани порази на домашен терен Денвер победи на гости кај Индијана
Блескава партија во тимот на Денвер имаше Џамал Мари кој постигна 52 коша. Мари постигна 10 тројки од 11 обиди со процент на шут за три поени од 91 насто
Јанис Адетокумбо повторно се повреди, но останува во Милвоки
Грчкиот крилен центар на теренот мина само три минути по што го истегна мускулот на десната потколеница и беше упатен во болница на снимање. Тренерот на Милвоки Док Риверс изјави дека магнетната резонанца потврдила дека е исклучена повреда на ахиловата тетива.
Киксови на Ливерпул и Челси
Ливерпул никако да излезе од кризата. Вечерва на нивниот Енфилд одиграа само 1:1 со Сандерленд и се подалеку се од борбата за одбрана на титулата, затоа што водечкиот Арсенал им се одлепи на цели 11 бодови предност.