Италијанскиот фудбалски стручњак, 66-годишниот Лучијано Спалети е новиот тренер на Јувентус, објави торинскиот клуб.
Спалети доаѓа во Јуве откако хрватскиот стручњак Игор Тудор беше отпуштен претходно оваа седмица. Тој потпиша договор до 30 јуни 2026 година, со можност за продолжување доколку „бјанконерите“ се квалификуваат за Лигата на шампионите следната сезона.
Според италијанските медиуми, Спалети ќе заработи околу три милиона евра.
Спалети неодамна беше главен тренер на италијанската репрезентација, но беше отпуштен на почетокот на летото по поразот од Норвешка (0:3) во квалификациите за Светското првенство. Во текот на кариерата, ги водеше и Наполи, Интер, Рома, Зенит, Удинезе, Анкона…
Најголемиот успех го постигна на клупата на Наполи, освојувајќи го „скудетото“ во 2023 година, исто така освои две титули во руското првенство со Зенит, додека на клупата на Рома освои два Купа на Италија.
Јувентус моментално е на седмото место во Серија А со 15 бода, шест зад Наполи и Рома.
Слични новости
Инфантино пријавен во Етичката комисија на ФИФА
Меѓународна непрофитна група поднесе жалба до Етичката комисија на светската фудбалска асоцијација ФИФА, наведувајќи немање пристрасност од страна на претседателот на организацијата Џани Инфантино
Пресврти на Барса, Аталанта, Атлетико и Баерн, Ливерпул победи во Милано
Фудбалерите на Барселона, Аталанта, Атлетико го надминаа почетното заостанување и остварија победи над Ајнтрахт (2:1), Челзи (2:1) и ПСВ (2:3) во 6. коло од Лигата на шампионите, додека Ливерпул го победи Интер на „Сан Сиро“ со минимални 1:0
НБА: Розиер се изјасни за невин по обвиненијата за спортско обложување
Играчот на Мајами Хит, Тери Розиер, кој е обвинет за федерална измама со електронски средства и перење пари, како и за неговата улога во нелегална шема за спортско коцкање, се изјасни за невин пред федералниот суд во Њујорк